આદેશ / સુપ્રીમનો કેન્દ્ર સરકારને આદેશ, આટલા દિવસોમાં શ્રમિકોને ઘરે પહોંચાડી દો

• શ્રમિકોને પોતાના વતન પહોંચાડવા અંગે સુપ્રીમનો આદેશ
• શ્રમિકોને ઘરે પહોંચાડવા 15 દિવસનો આપ્યો સમય
• રાજ્યોએ શ્રમિકોના રોજગાર અને રાહતનો રેકોર્ડ આપવાનો રહેશે

આ અરજી પર સુનાવણી દરમિયાન સોલિસીટર જનરલ તુષાર મહેતાએ જણાવ્યું હતું કે અત્યાર સુધીમાં લગભગ 1 કરોડ શ્રમિકોને ઘરે પહોંચાડવામાં આવ્યા  છે. 41 લાખ પરપ્રાંતિયોને સડક માર્ગ દ્વારા અને 57 લાખ લોકોને ટ્રેન દ્વારા તેમના ઘર સુધી પહોંચાડવામાં આવ્યા છે. શ્રમિકોનો આંકડો બેંચ સમક્ષ રાખીને તુષાર મહેતાએ કહ્યું કે મોટાભાગની ટ્રેનો યુપી અથવા બિહાર માટે દોડાવવામાં આવી છે.

The court says, "We propose 15 days time so that states can be permitted to effectuate the completion of transport". https://t.co/pYu6U85Z7Q

— ANI (@ANI) June 5, 2020

અત્યાર સુધીમાં 4,270 શ્રમિક ટ્રેનો ચલાવવામાં આવી છે

સોલિસિટર જનરલ તુષાર મહેતાએ જણાવ્યું હતું કે અત્યાર સુધીમાં 4,270 શ્રમિક ટ્રેનો ચલાવવામાં આવી છે. અમે રાજ્ય સરકારો સાથે સંપર્કમાં છીએ. ફક્ત રાજ્ય સરકારો જ આ અદાલતને જણાવી શકે છે કે હજી કેટલા શ્રમિકોને ઘરે પહોંચાડવાના બાકી છે અને તે માટે કેટલી ટ્રેનોની જરૂર પડશે. આ માટે રાજ્યોએ ચાર્ટ તૈયાર કર્યો છે.

ચાર્ટ જોયા બાદ સુપ્રીમે કહ્યું કે તમારા ચાર્ટ અનુસાર મહારાષ્ટ્રે ફક્ત એક ટ્રેન માટે કહ્યું છે. આ માટે સોલિસિટર જનરલ તુષાર મહેતાએ કહ્યું કે મહારાષ્ટ્રથી પહેલાં પણ 802 ટ્રેન ચાલી છે. હવે ફક્ત એક ટ્રેન માટે અનુરોધ કરાયો છે. બેંચે પૂછ્યું કે શું અમે આનો એ અર્થ કરવો કે હવે કોઈ વ્યક્તિ મહારાષ્ટ્ર નહીં જાય? સોલિસિટર જનરલ તુષાર મહેતાએ કહ્યું કે જો કોઈ પણ એક રાજ્ય કોઈ પણ સંખ્યામાં ટ્રેન માટે અનુરોધ કરે છે તો કેન્દ્ર સરકાર 24 કલાકમાં મદદ કરશે. સુપ્રીમે કહ્યું કે અમે રાજ્યોને પોતાની માંગ રેલ્વેને સોંપવા કહ્યું છે. મહારાષ્ટ્ર અને બિહારમાં વધુ ટ્રેનની જરૂર નથી. 

સુપ્રીમ કોર્ટે કહ્યું કે અમે 15 દિવસનો સમય આપીએ છીએ

સુપ્રીમ કોર્ટે કહ્યું કે અમે 15 દિવસનો સમય આપીએ છીએ, જેથી રાજ્યોને સ્થળાંતર કામદારોના પરિવહનને પૂર્ણ કરવાની છૂટ મળી શકે. અગાઉ  રાષ્ટ્રીય માનવાધિકાર આયોગ (એનએચઆરસી) એ આ કેસમાં પોતાનો કેસ રજૂ કરવાની મંજૂરી માંગી છે. તેમનું કહેવું છે કે અમે નથી ઇચ્છતા કે કામદારોના હકોનું ઉલ્લંઘન થાય.