લૉકડાઉનના કારણે સૌથી દયનિય સ્થિતિ શ્રમિકોની બની છે. તેવામાં શ્રમિકો ટ્રેન, બસ અને અન્ય વાહનો અને પગપાળા પોતાના વતન જવા માટે નિકળી રહ્યા છે. ત્યારે બાઈક લઇને જઇ રહેલા 2 શ્રમિકોના મોરબીમાં અકસ્માતમાં મોત થયા છે.
મોરબીમાં વિચિત્ર અકસ્માતમાં 2 શ્રમિકના મોત
રંગપર પાસે 2 બોલેરા સામસામે અથડાતા અકસ્માત
બોલેરોના અકસ્માતમાં 1 બોલેરો નીચે બાઇક આવતા 2ના મોત
મોરબીમાં રંગપર પાસે 2 બોલેરો સામસામે અથડાતા અકસ્માત સર્જાયો હતો. જોકે આ અકસ્માતમાં 1 બાઇક બોલેરો નીચે આવી ગઇ હતી. જેને લઇને બાઇક સવાર 2 લોકોના મોત નિપજ્યા છે. આ અકસ્માત બાદ આસપાસના વિસ્તારના લોકો મદદ માટે દોડી આવ્યા હતા. ઇમરજન્સી 108 અને પોલીસ કર્મીઓ તાત્કાલિક ઘટના સ્થળે પહોંચ્યા હતા. જોકે બન્ને શ્રમિકોના ઘટના સ્થળે જ મોત થયા હતા. આ અકસ્માતને લઇને પોલીસ અધિકારીઓ દ્વારા વધુ તપાસ હાથ ધરવામાં આવી છે.