ઇરાકની રાજધાની બગદાદમાં અમેરિકન એમ્બેસી પર રૉકેટ હુમલો કરવામાં આવ્યો છે. જેમાં 2 લોકો ઇજાગ્રસ્ત થયા છે.
બગદાદમાં અમેરિકન એમ્બેસી પર રૉકેટ હુમલો
એક બાળક અને એક મહિલા ઇજાગ્રસ્તઃ ઇરાક સેના
ઇરાન સમર્થિત આતંકવાદીઓ દ્વારા વધુ હુમલા થઇ શકે છે: અમેરિકન ઉચ્ચ કમાન્ડર
ઇરાકની રાજધાની બગદાદમાં અમેરિકન એમ્બેસી પર ગુરૂવારે અંદાજિત 3 રૉકેટથી હુમલો કરવામાં આવ્યો છે. ઇરાકી સેનાએ એક નિવેદનમાં કહ્યું કે, બગદાદમાં અમેરિકન એમ્બેસી પર રૉકેટ હુમલામાં એક બાળક અને એક મહિલા ઇજાગ્રસ્ત થઇ ગઇ છે.
સેનાના અધિકારીના અનુસાર, 2 મિસાઇલ અમેરિકન એમ્બેસીના પરિસરમાં પડી, એક અન્ય મિસાઇલથી નજીકની શાળા પર હુમલો થયો. નામ ન બતાવવાની શરતે એક અધિકારીએ આ માહિતી આપી.
ગત મહિને ઇસ્લામિક સ્ટેટ વિરૂદ્ધ જંગમાં ઇરાકી સૈનિકોને મદદ પહોંચાડનારા અમેરિકન સૈનિકોનું મિશન પૂર્ણ થયું છે. આ ક્રમમાં અંદાજિત 2500 સૈનિકોને હજુ ત્યાં રહેવું પડશે જેથી ઇરાકી સેનાને મદદ મળી શકે. ગત મહિને એક ઇન્ટરવ્યૂ દરમિયાન મિડલ ઇસ્ટ માટે અમેરિકન ઉચ્ચ કમાન્ડર ફ્રેંક મૈકકેન્જીએ ચેતવણીભર્યા શબ્દોમાં કહ્યું હતું કે, અમેરિકા અને ઇરાકી સૈનિકો પર ઇરાન સમર્થિત આતંકવાદીઓ દ્વારા વધુ હુમલા થઇ શકે છે, કારણ કે તેઓ અમેરિકન સૈનિકોને બહાર કરવા માંગે છે.