ભાવનગરમાં એક મોટી ઉંમરના વ્યક્તિ હનીટ્રેપમાં ફસાઈને અત્યાર સુધી સોના-ચાંદીના દાગીના સહિત રુપિયા 1 કરોડથી પણ વધુની રકમ ગુમાવી ચૂક્યાં છે.
ભાવનગરમાં હનીટ્રેનો કિસ્સો બન્યો
પાટણની પરણેલી મહિલાએ કોન્ટ્રાક્ટરને ફસાવ્યાં
અશ્લીલ સંબંધનો વીડિયો ઉતારીને પડાવ્યાં 1 કરોડ
અમદાવાદના યુવાન સાથે પણ મનાવ્યાં રંગરેલિયા
ભાવનગરમાં હનીટ્રેપનો એક મોટો કિસ્સો બન્યો છે. ભાવનગરમાં રહીને કોન્ટ્રાક્ટરનું કામ કરતાં કિશોર વેગડ નામના મોટી ઉંમરના વ્યક્તિને મફતની મજા માણવાની લાયમાં સોના-ચાંદીના દાગીના સહિત લાખો રુપિયા ગુમાવ્યાં છે. આ ઘટનાઓ વારંવાર બને છે છતાંય લોકો ફસાઈ જાય છે અને મોટું નુકશાન કરી બેસે છે.
શું બન્યું ભાવનગરના કોન્ટ્રાક્ટરના કિસ્સામાં
મુળ પાટણની રોશની ઠક્કરે 2009માં સ્પાઈન એન્ટરપ્રાઈઝમાં સુપરવાઈઝર તરીકે નોકરી શરૂ કરી. જે બાદ કિશોર વેગડ અને રોશની વચ્ચે પ્રેમ સંબધ બંધાયા હતા. પરંતુ કિશોર વેગડ અહીં થાપ ખાઈ ગયાં હતા રોશનીએ તેમને ફસાવવા માટે જ પ્રેમસંબંધ બાંધ્યો હતો અને એક દિવસ લાગ મળતાં તેણે પોત પ્રકાશ્યું હતું અને કિશોરને મોટો ચૂનો ચોપડી દીધો હતો.
શારીરિક સંબંધ બાંધ્યાનો વીડિયો ઉતારી લીધો
2009માં રોશની અને વેગડે શારીરિક સંબંધ બાંધ્યાં હતા. પરંતુ આ દરમિયાન રોશનીએ ખાનગીમાં સેક્સ વીડિયો ઉતારી લીધો હતો અને આ વીડિયો વાયરલ કરી દેવાની ધમકી આપી આપીને વેગડ પાસેથી રુપિયા પડાવતી રહી હતી. રોશનીએ અશ્લીલ વીડિયોની બીક દેખાડીને વેગડ પાસેથી સોના-ચાંદી સહિત એક કરોડની રકમ પડાવી પાડી હતી.
અનૈતિક સંબધોની જાણ થતા પતિએ રોશની પાસેથી લીધા છૂટાછેડા
રોશની પરણેલી હતી તેમ છતાંય આવા ધંધામાં લાગી હતી. જ્યારે પતિને તેના અનૈતિક ધંધાની જાણ થઈ ત્યારે તેણે તાત્કાલિક છૂટાછેડા લઈ લીધાં હતા.
કિશોર વેગડને પડતો મૂકીને અમદાવાદના યુવાન સાથે રંગરેલિયા મનાવવા લાગી
કિશોર વેગડ સાથે પૈસા પડાવ્યાં બાદ રોશનીની અમદાવાદના યુવાન સાથે આંખો મળી હતી અને તેની સાથે રંગરેલિયા મનાવવા લાગી હતી. આ બન્ને વિદેશ જતા રહેવાનું નક્કી કર્યું હતું અને તે માટે ફરી એક વાર તેમણે બન્નેએ વેગડ પાસેથી વધુ 25 લાખની માગણી કરી હતી. જોકે આ વખતે વેગડે રોશનીને પૈસા આપવાનો ઈન્કાર કરી દીધો હતો અને નીલમબાદ પોલીસ સ્ટેશનમાં ફરીયાદ નોંધાવી હતી. હની ટ્રેપની ફરિયાદ નોંધાવી.જેના આધારે પોલીસે યુવતીને ઝડપીને બે દિવસના રિમાન્ડ મેળવીને વધુ તપાસ હાથ ધરી છે.
અમદાવાદના વેપારી પણ ફસાયા હતા હનીટ્રેનમાં
ઉલ્લેખનીય છે કે હનીટ્રેપમાં ફસાઈને બર્બાદ થવાની ઘટના નવી નથી. અવારનવાર આવી ઘટનાઓ સામે આવતી રહી છે. આ પહેલા અમદાવાદમાં રહેતા એક પરિણીત વેપારી હનીટ્રેપનો શિકાર બન્યા હતા. આ વેપારીને ફેસબુ થકી એક યુવતી સાથે મિત્રતા થઈ હતી. બાદમાં યુવતીએ તેઓને મળવા બોલાવ્યા હતા. વેપારી આ જાળમાં ફસાઈ ગયા બાદ યુવતીએ 15000 રૂપિયાના કપડા પણ વેપારી પાસેથી લીધા હતા અને બાદમાં ટુકડે ટુકડે 50થી 70 હજાર રૂપિયા લીધા હતા. અમુક સમય બાદ યુવતીએ પોતાની પાસે વીડિયો છે તેમ કહી વેપારીને બ્લેકમેલ કરવાનું શરૂ કર્યું હતું અને દસ લાખ રૂપિયાની માંગણી કરી હતી. વેપારીની પરિસ્થિતિ ન હોવાથી તેઓએ 10 લાખ રૂપિયા આપવાનો ઇનકાર કરતા આખરે યુવતી સામે નરોડા પોલીસ સ્ટેશનમાં ફરિયાદ નોંધાવતા પોલીસે ગુનો નોંધાયો હતો, જે બાદ ગણતરીના કલાકોમાં પોલીસે યુવતીને ઝડપી પાડી હતી.
સોશિયલ મીડિયાા જમાનામાં હનીટ્રેપથી સાવધાન રહેજો
આજકાલ સોશિયલ મીડિયાના જમાનો છે. લોકો સોશિયલ મીડિયાના સહારે પણ પ્રેમમાં પડે છે પરંતુ આવા પ્રેમમાં પડતાં પહેલા સાવધાન રહેજો કારણ કે છોકરીઓ કે મહિલાઓ ક્યારેક હનીટ્રેપમાં ફસાવીને કંગાળ કરી મૂકતી હોય છે.