ભારત બાદ હવે અમેરિકા પણ ચીની એપ્લિકેશન ટિકટોક પર પ્રતિબંધ લગાવી શકે છે. અમેરિકાના રાષ્ટ્રપતિ ડોનાલ્ડ ટ્રમ્પે ટિકટોક પર પ્રતિબંધ લગાવવાના સંકેત આપ્યા છે. આ મામલે ટ્રમ્પ તંત્ર પણ અન્ય વિકલ્પો પર વિચારણા કરી રહ્યું છે. રાષ્ટ્રપતિએ કહ્યું કે ટિકટોક ઉપરાંત અમારી પાસે અન્ય વિકલ્પો છે. જેના પર વિચારણા ચાલી રહી છે. ત્યારે વિશ્વની દિગ્ગજ કંપની ટિકટોકને ખરીદી લે તેવી શક્યતા છે.
અમેરિકમાં ટિકટોકના સંબંધમાં તમામ વિકલ્પો પર વિચારણા ચાલી રહી છે
ટિકટોકને માઈક્રોસોફ્ટ ખરીદી લે તેવી શક્યતા છે
ટિકટોકના અમેરિકન ઓપરેશનને કંપની ખરીદી શકે છે
ચાઈનીઝ એપ ટિકટોક પર પહેલા ભારતે સુરક્ષાના પગલે પ્રતિબંધ મુક્યો. એ બાદ હવે અમેરિકા તેના પર પ્રતિબંધ મુકવા વિચાર કરી રહ્યું છે. ત્યારે અમેરિકાની કંપની માઈક્રોસોફ્ટ ટિકટોક ખરીદી શકે છે.
ટિકટોક પર અમેરિકન ઓપરેશન વેચવા પર દબાણ
શુક્રવારે બ્લૂમબર્ગના રિપોર્ટ મુજબ ટ્રમ્પનો પ્લાન છે કે બાયડાન્સ જે ટિકટોકની માલિકી ધરવાતી કંપની છે જે ટિકટોકની ઓનરશિપ વેચી દે. આ સમાચાર બહાર આવ્યાની થોડી જ વારમાં સમાચાર આવ્યા હતા કે માઈક્રોસોફ્ટ ટિકટોકના અમેરિકનાના ઓપરેશન ખરીદી શકે છે.
વોલ સ્ટ્રીટ જર્નલના રિપોર્ટ મુજબ માઈક્રોસોફ્ટ અને બાઈડાન્સની વચ્ચે એડવાન્સમાં વાતચીત થઈ રહી છે. સોમવાર સુધીમાં આ ડીલ ફાઈનલ થઈ શકે છે. ઉલ્લેખનીય છે કે ટિકટોક બાયડાન્સની એપ છે. નોંધનીય છે કે ભારતમાં ચીની 106 એપ બેન કરવામાં આવી છે. તેનો અમેરિકાના સાંસદ અને પ્રશાસન બન્નેએ તેના વખાણ કર્યા હતા.
વોલ સ્ટ્રીટ જર્નલમાં જણાવ્યાનુંસાર માઈક્રોસોફ્ટ અને ટિકટોક ડીલમાં માઈક્રોસોફ્ટ, બાઈડાન્સ અને વ્હાઈટ હાઉસના પ્રતિનિધિ ભાગ લેશે. વાતચીતમાં પરિવર્તન આવી શકે છે ડીલ ન પણ થાય.