માઇક્રોસોફ્ટે એક સસ્તું સરફેસ લેપટોપ લોન્ચ કર્યું છે. આ વિદ્યાર્થીઓ માટે છે અને માત્ર વિદ્યાર્થીઓ જ તેને ખરીદી શકશે.
માઇક્રોસોફ્ટે તેનું સૌથી સસ્તું લેપટોપ લોન્ચ કર્યું છે
હાલમાં અમેરિકા, યુકે, કેનેડા અને જાપાનના માર્કેટમાં લોન્ચ કરાશે.
શાળાના વિદ્યાર્થીઓ માટે વિશેષ સુવિદ્યાઓ આપી છે
માઇક્રોસોફ્ટે એક સસ્તું લેપટોપ લોન્ચ કર્યું છે.
માઇક્રોસોફ્ટે એક સસ્તું લેપટોપ લોન્ચ કર્યું છે. આ લેપટોપને સરફેસ લેપટોપ SE નામ આપવામાં આવ્યું છે. આમાં વિન્ડોઝ 11નું સ્પેશિયલ વર્ઝન આપવામાં આવ્યું છે જે ખાસ કરીને સ્કૂલ માટે તૈયાર કરવામાં આવ્યું છે. માઈક્રોસોફ્ટના અનુસાર, સરફેસ લેપટોપ SE કંપનીનું સૌથી સસ્તું સરફેસ લેપટોપ છે. તેની કિંમત $249 (લગભગ 18,523 રૂપિયા) છે. આ લેપટોપનું વેચાણ આવતા વર્ષની શરૂઆતથી થશે.
હાલમાં અમેરિકા, યુકે, કેનેડા અને જાપાનના માર્કેટમાં લોન્ચ કરાશે.
હાલમાં તમામ કંપનીઓ સતત શિક્ષણ કેન્દ્રિત લેપટોપ લોન્ચ કરી રહી છે. ઈ-લર્નિંગનું ચલણ વધ્યું છે અને બાળકોથી લઈને વડીલો ઘરે બેઠા ઓનલાઈન અભ્યાસ કરી રહ્યા છે. આવી સ્થિતિમાં કંપનીઓ તેમને ટાર્ગેટ કરી રહી છે અને એફોર્ડેબલ સેગમેન્ટના લેપટોપ લાવી રહી છે. સરફેસ લેપટોપ SEમાં 11.6-ઇંચની સ્ક્રીન છે. સ્ક્રીન રીઝોલ્યુશન 1366X768p છે. એક્ષપર્ટ રેશિયો 16:9 છે. તેમાં Intel Celeron N4020 પ્રોસેસર આપવામાં આવ્યું છે. તે 4GB અથવા 8GB રેમ સાથે ખરીદી શકાય છે. 64GB અને 128GB eMMC સપોર્ટ આપવામાં આવ્યો છે. આ લેપટોપમાં 1 મેગાપિક્સલનો ફ્રન્ટ કેમેરા છે જે 720p વિડિયો રેકોર્ડ કરી શકે છે. તેમાં સિંગલ USB A પોર્ટ, USB Type C પોર્ટ અને 3.5mm હેડફોન જેક છે. માઇક્રોસોફ્ટે દાવો કર્યો છે કે આ લેપટોપ 16 કલાકની બેટરી લાઇફ આપશે. જો કે આ લેપટોપ હાલમાં અમેરિકા, યુકે, કેનેડા અને જાપાનના માર્કેટમાં લોન્ચ કરવામાં આવશે. કંપનીએ આ લેપટોપને એવી રીતે બનાવ્યું છે કે તેને રિપેર કરવું સરળ છે.
શાળાના વિદ્યાર્થીઓ માટે વિશેષ સુવિદ્યાઓ આપી છે
આ લેપટોપમાં Windows 11 SE આપવામાં આવ્યું છે. આ ઓપરેટિંગ સિસ્ટમમાં વિદ્યાર્થીઓ અને શાળાના વહીવટ માટે વિશેષ સુવિધાઓ આપવામાં આવી છે. આ ઓપરેટિંગ સિસ્ટમમાં વેબ આધારિત એપ્સનો ઉપયોગ કરી શકાય છે. કંપનીએ એ નથી જણાવ્યું કે તેને ભારતમાં લોન્ચ કરવામાં આવશે કે નહીં. અન્ય સરફેસ લેપટોપ ભારતમાં ઉપલબ્ધ છે, તેથી એવી અપેક્ષા રાખવી જોઈએ કે કંપની તેને આવનારા સમયમાં ભારતમાં લોન્ચ કરી શકે છે.