સારા સમાચાર / કોરોનામાં પણ કામ કર્યુ એટલે દરેક કર્મચારીને 1 લાખનું બોનસ, કુલ કર્મચારીઓ 1.75 લાખ

• અમેરિકાની કંપની માઇક્રોસોફ્ટ દ્વારા લેવાયો નિર્ણય
• 1500 ડોલર એટલે કે 1.12 લાખ રૂપિયાનું મહામારી બોનસ
• બોનસ પર કંપની લગભગ 26.32 કરોડ ડોલરનો ખર્ચ કરશે

અમેરિકાની કંપની માઇક્રોસોફ્ટ દ્વારા લેવાયો નિર્ણય
કોરોના મહામારી દરમિયાન જ્યાં ઘણી કંપનીઓમાંથી કર્મચારીઓને છૂટા કરવાની ઘટના સામે આવી રહી છે, સેલેરી ઓછી કરવાની ઘટનાઓ સામે આવી રહી છે ત્યારે આ બધાથી અલગ એક નવી ઘટના સામે આવી રહી છે. કેટલીક કંપનીઓ પોતાના કર્મચારીઓને કોરોના મહામારીના કપરા સમય દરમિયાન પણ ઈનામ આપતી આવી છે. અમેરિકાની કંપની માઇક્રોસોફ્ટ દ્વારા પોતાના દરેક કર્મચારીને 1500 ડોલર એટલે કે 1.12 લાખ રૂપિયાનું મહામારી બોનસ આપવની જાહેરાત કરી છે. કંપનીએ કહ્યું છે કે તેમણે આ વર્ષનું અલગ જ નાણાકીય વર્ષ જોઈને આ નિર્ણય લીધો છે. 

1500 ડોલર એટલે કે 1.12 લાખ રૂપિયાનું મહામારી બોનસ
એક રિપોર્ટ અનુસાર, માઇક્રોસોફ્ટે કહ્યું કે કર્મચારીઓને આપવામાં આવતું આ બોનસ એક અલગ પ્રકારના કપરા નાણાંકીય વર્ષને સ્વીકાર કરવા જેવુ છે. જેને ગયા વર્ષે માઈક્રોસોફ્ટ દ્વારા પૂર્ણ કરવામાં આવ્યું હતું. માઈક્રોસોફ્ટની ચીફ પીપલ ઓફિસર કેથલીન હોગન દ્વારા કહેવામાં આવ્યું કે માઈક્રોસોફ્ટના દરેક કર્મચારીને આ બોનસમાં આપવામાં આવશે. તે ભલે અમેરિકામાં હોય કે પછી બીજા અન્ય દેશમાં હોય. આ બોનસ VICE PRESIDENTથી નીચેના સ્તરના બધા જ કર્મચારીઓને  આપવામાં આવશે. જે પણ  કર્મચારીઓએ માર્ચ 2021 પહેલા કંપની જોઇન કરી છે તે દરેક કર્મચારીઓને આ બોનસ મળશે. 

બોનસ પર કંપની લગભગ 26.32 કરોડ ડોલરનો ખર્ચ કરશે
આ સાથે જ પાર્ટ ટાઈમ કામ કરતાં કર્મચારીઓને પણ બોનસ આપવામાં આવશે જે લોકો પ્રતિ કલાકના આધારે કામ કરે છે. જાણકારી માટે વાત કરીએ તો માઈક્રોસોફ્ટના દુનિયા ભરમાં 175,508 કર્મચારીઓ છે. બોનસ પર કંપની લગભગ 26.32 કરોડ ડોલરનો ખર્ચ કરશે. આ પહેલા ફેસબુકે પોતાના 45,000 કર્મચારીઓને 1,000 ડોલરનું બોનસ આપ્યું હતું. amazon ની વાત કરીએ તો ફ્રન્ટલાઇન કર્મચારીઓને 300 ડોલરનું હોલિડે બોનસ આપ્યું હતું. રિપોર્ટમાં કહેવામાં આવ્યું છે કે માઈક્રોસોફ્ટની સહાયક કંપની લિંક્ડઇન, ગિટહબ અને જેનીમૈક્સ કંપનીના કર્મચારીઓને મહામારી બોનસ મળશે નહીં.