જેનો ડર હતો એજ થયું. ધૂળના કણોની જેમ પ્લાસ્ટિકના કણો પણ શરીરની અંદર જોવા મળ્યા, વૈજ્ઞાનિકો પણ ચોંકી ગયા
માનવ લોહીમાં જોવા મળ્યા પ્લાસ્ટિકના કણો
17 લોકોના લોહીમાં માઇક્રોપ્લાસ્ટિક મળી આવ્યુ
વૈજ્ઞાનિકો પણ અચંબામાં
રોજબરોજ વૈજ્ઞાનિકો કંઇકને કંઇ નવુ સંશોધન કરતા હોય છે. આ રિસર્ચ માનવ શરીર કે પછી અન્ય ટેક્નલોજી સહિત તમામ વિષયો પણ અવનવુ સંશોધન કરવામાં આવે છે. ત્યારે આ વખતે વૈજ્ઞાનિકોએ એવું સંશોધન કર્યુ છે જેનાથી તમે પણ ચોંકી જશો.
માનવ લોહીમાં પ્લાસ્ટિકના કણો !
કહેવાય છે કે પ્લાસ્ટિક શરીર માટે જોખમી છે.પ્લાસ્ટિકની વસ્તુમાં રાંઘેલુ કે પાણી પીવુ પણ જોખમી છે. પ્લાસ્ટિકનો બને તેટલો વપરાશ ઓછો થાય તેવો આગ્રહ રાખવામાં આવે છે. સિંગલ યુઝ પ્લાસ્ટિક હોય કે પછી કોઇ પણ પ્રકારનું પ્લાસ્ટિક. તેનો ઉપયોગ કરવો ટાળવો જોઇએ કારણ કે પ્લાસ્ટિકથી માનવ શરીરને નુકસાન પહોંચે છે આ અંગે અનેકવાર લોકોને વિનંતી કરવામાં આવી, પ્લાસ્ટિકનો વપરાશ ન કરવાની સલાહ આપવામાં આવી પરંતુ હજી પણ પ્લાસ્ટિકનો વપરાશ વધી રહ્યો છે. ત્યારે હવે ખરેખરમાં માનવ શરીરના લોહીમાં જ પ્લાસ્ટિકના કણો મળી આવ્યા હોવાનો ચોંકાવનારો ખુલાસો થયો છે. નેધરલેન્ડમાં થયેલા એક રિસર્ચમાં એક ચોંકાવનારો કિસ્સો સામે આવ્યો છે. અહીંના વૈજ્ઞાનિકોએ શોધી કાઢ્યું છે કે માનવ રક્તમાં માઇક્રોપ્લાસ્ટિક દેખાયા છે. સંશોધન બાદ જણાવવામાં આવ્યું કે લોહીમાં પ્લાસ્ટિકના ખૂબ જ ઝીણા કણો મળી આવ્યા છે. આ સંશોધન પછી વૈજ્ઞાનિકો આશ્ચર્યમાં છે કે આવું કેવી રીતે થઈ શકે.
22 લોકોમાંથી 17 લોકોના લોહીમાં પ્લાસ્ટિકના કણો
એક ન્યૂઝ પેપરના અહેવાલમા જણાવ્યું છે કે આવું પહેલીવાર જોવા મળ્યુ જે ખૂબ જ ખતરનાક છે. સંશોધન અંગે વૈજ્ઞાનિકોએ જણાવ્યું કે આ માટે 22 સ્વસ્થ લોકોના બ્લડ સેમ્પલ લેવામાં આવ્યા હતા. તેમાંથી 17 લોકોના લોહીમાં માઇક્રોપ્લાસ્ટિક મળી આવ્યું છે. સંશોધનમાં સામેલ તમામ 22 લોકો સંપૂર્ણપણે સ્વસ્થ હતા અને તેમને કોઈ પણ પ્રકારની બીમારી નહોતી. આ પછી પણ જ્યારે ટેસ્ટ સેમ્પલમાં પ્લાસ્ટિકના કણો બહાર આવ્યા તો વૈજ્ઞાનિકો પણ ચોંકી ગયા. આ સંશોધને એક નવી ચર્ચાને પણ જન્મ આપ્યો છે. હાલ આ અંગે વધુ તપાસ શરૂ કરવામાં આવી છે.
ધૂળના કણની જેમ પ્લાસ્ટિકના કણ શરીરમાં ગયા ?
રિપોર્ટમાં નેધરલેન્ડના એક પ્રોફેસરના રિપોર્ટ થતા જણાવવામાં આવ્યું છે કે આ ખૂબ જ ચોંકાવનારું છે કારણ કે પ્રદૂષણને કારણે એવું બન્યું છે કે પ્લાસ્ટિક શ્વાસની સાથે માનવ શરીરની અંદર જવા લાગ્યું હોય. ધૂળના કણની જેમ પ્લાસ્ટીકના કણો શ્વાસ થકી અંદર જાય છે ત્યાર બાદ તેઓ શરીરના અંગોને અંદરથી જામ કરવા લાગે છે. પ્લાસ્ટિકના આ નાના ટુકડા શરીરની અંદર જાય છે અને અંગો સાથે ચોંટી જાય છે અને તેને બ્લોક કરી દે છે. જે આગળ જઇને ઘણુ ઘાતક સાબિત થાય છે.
સૌ પ્રથમવાર બની ચોંકાવનારી ઘટના
રિસર્ચમાં સામે આવ્યું કે માઇક્રોપ્લાસ્ટિક કણો મગજ, પેટ અને બાળકોના પ્લેસેન્ટામાં ચોંટેલા જોવા મળ્યા હતા. પરંતુ લોહીમાં જોવા મળ્યા હોય તેવું પહેલીવાર બન્યું. આ ઘટના સામે આવ્યા બાદ જ વૈજ્ઞાનિકો આગળની પ્રક્રિયા અંગે તપાસ કરી રહ્યા છે. એક હકીકત એ પણ છે કે લાંબા સમયથી લોકોને પ્લાસ્ટિકનો ઉપયોગ બંધ કરવા વિનંતી કરવામાં આવી રહી છે. તેમ છતાં પ્લાસ્ટિકનો ઉપયોગય થાવત જોવા મળે છે.