લાંબા સમયથી દેશમાં ધૂમ મચાવનાર માઇક્રોમેક્સ India ફરી એકવાર કમબેક કરવા માટે તૈયાર છે. માઇક્રોમેક્સ ટૂંક સમયમાં દેશમાં IN સિરીઝ સ્માર્ટફોન લોન્ચ કરશે.
માઇક્રોમેક્સના સહ-સ્થાપક રાહુલ શર્માએ તેમના ટ્વિટર એકાઉન્ટ પર આ અંગેનો એક વીડિયો શેર કર્યો છે. આ વીડિયો સૂચવે છે કે માઇક્રોમેક્સ ટૂંક સમયમાં જ નવો સ્માર્ટફોન લોન્ચ કરી શકે છે.
હજી સુધી, કંપનીએ આગામી સ્માર્ટફોન સિરીઝ વિશે કોઈ માહિતી શેર કરી નથી. સહ-સ્થાપક રાહુલ શર્માએ પોતાના ટ્વિટર એકાઉન્ટ પર લગભગ 2 મિનિટ લાંબો વીડિયો શેર કર્યો છે.
વીડિયોમાં રાહુલ શર્માએ અત્યાર સુધીની કંપનીની યાત્રા વિશે વાત કરી છે. વીડિયોમાં રાહુલ એ સમયની વાત કરે છે જ્યારે ચીની સ્માર્ટફોન કંપનીઓએ માર્કેટનો કબજો લીધો અને કંપનીના સ્માર્ટફોનનું વેચાણ ઘટી ગયું.
તેમણે વીડિયોમાં કહ્યું, સરહદ પર જે બની રહ્યું છે તે ઠીક નથી. તેથી, જ્યારે આપણા વડાપ્રધાને આત્મનિર્ભર ભારતની ઘોષણા કરી, ત્યારે અમે તેના પર કામ કરવાનું નક્કી કર્યું અને તેથી જ માઇક્રોમેક્સ 'IN' ભારત માટે કમબેક કરી રહ્યું છે.
વીડિયોમાં રાહુલ શર્માએ આગામી સ્માર્ટફોનનું બોક્સ પણ બતાવ્યું છે. વાદળી રંગના બોક્સ પર IN લખેલું છે. આ સૂચવે છે કે કંપની નવી IN-સિરીઝ હેઠળ સ્માર્ટફોન લોન્ચ કરશે.
હજી સુધી કંપનીની આગામી સ્માર્ટફોન સિરીઝ વિશે કોઈ માહિતી મળી નથી. જો કે ટીપ્સ્ટર સુમુખ રાવ અનુસાર માઇક્રોમેક્સના IN સિરીઝ સ્માર્ટફોન 7000 થી 15000 રૂપિયાની વચ્ચે લોંચ કરવામાં આવશે. આ સ્માર્ટફોન સ્ટોક એન્ડ્રોઇડ સાથે આવશે અને નવેમ્બરની શરૂઆતમાં દેશમાં લોન્ચ થશે તેમ લાગી રહ્યું છે.