ટેકનોલોજી / અનોખું સંશોધન; બેટરી ઊતરી ગયા પછી પણ કામ કરશે માઈક્રોચિપ

• નેશનલ યુનિવર્સિટી ઓફ સિંગાપોરના સંશોધકોએ નવું ડિવાઈસ વિકસાવ્યું
• લાખો આઇઓટી ડિવાઇસના સસ્તા નિર્માણનો માર્ગ પણ ખૂલી શકે છે

બેટલેસ અંગે સંશોધકોએ અમેરિકામાં આયોજિત ઇન્ટરનેશનલ સોલિડ-સ્ટેટ સર્કિટ કોન્ફરન્સમાં વિસ્તારપૂર્વક વાત કરી હતી. તેમણે કહ્યું કે તે પાવર મેનેજમેન્ટની એક નવી ટેક્નિક છે. તેને એક ખૂબ જ નાના સોલર સેલ ચિપ દ્વારા કોઇ પણ બેટરીની સહાયતાથી ચલાવી શકાય છે.

નેશનલ યુનિવર્સિટી ઓફ સિંગાપોરના સંશોધકોએ જણાવ્યું કે આ માઈક્રોચિપ ઇન્ટરનેટ સાથે જોડાયેલ ડિવાઇસમાં પાવર સેન્સર નોડ્સ માટે આવશ્યક બેટરીઓના આકારને પણ એક હદ સુધી નાનો કરી શકે છે. તેમણે કહ્યું કે નવી માઈક્રોચિપ ઇન્ટરનેટ ઓફ થિંગ્સના સેન્સર નોડ્સના ઉત્પાદનને દસ ગણું સસ્તું બનાવી શકે છે.

અભ્યાસમાં એ પણ જાણવા મળ્યું કે આઇઓટી ડિવાઇસ માટે ઉપયોગમાં લેવાતી બેટરી એક હદ સુધી સંકોચાય છે કે નાની પણ કરી શકાય છે. તેને સતત કામ કરવા માટે લાયક બનાવી રાખવા હંમેશાં દેખરેખની જરૂર હોતી નથી. આઇઓટી સેન્સર નોડ્સને બેટરી વગર ચલાવવા તે મોટું પરિવર્તન છે અને તેના દ્વારા દુનિયાભરમાં પ્રયોગમાં લેવાતા લાખો આઇઓટી ડિવાઇસના સસ્તા નિર્માણનો માર્ગ પણ ખૂલી શકે છે.

જ્યાં સુધી બેટરીમાં ઊર્જા ઉપલબ્ધ હોય છે ત્યાં સુધી આ ચિપ ન્યૂનતમ ઊર્જા મોડમાં ચાલે છે, જેથી તેની લાઇફ વધારી શકાય અને જ્યારે બેટરી ઊતરે ત્યારે ચિપ ન્યૂનતમ પાવર મોડમાં બદલાઇ જાય છે. લગભગ અડધા નેનો વોટથી પણ ઓછી વીજળીનો ઉપયોગ કરે છે. તે એક ફોન કોલ દરમિયાન વપરાતી વીજળી કરતાં પણ એક અબજ ગણી ઓછી છે.