ભારત અને શ્રીલંકા વચ્ચેની બીજી મેચમાં ભારતે અવિશ્વસનીય જીત મેળવીને 3 મેચની સિરીઝને 2-0થી જીતી લીધી છે.
બીજી મેચમાં થયો ઝગડો
સોશિયલ મીડિયા પર વીડિયો વાયરલ
ભારત સિરીઝમાં 2-0થી આગળ
ભારતે સિરીઝની બીજી મેચમાં શ્રીલંકાને 3 વિકેટથી હરાવીને સિરીઝ જીતી લીધી છે. સમગ્ર મેચમાં શ્રીલંકાની ટીમ ભારતની યુવા ટીમ ઉપર ભારે પડી રહી હતી પરંતુ દિપક ચહર અને ભુવનેશ્વર કુમાર વચ્ચે થયેલી રેકોર્ડ 84 રનની પાર્ટનરશપે લગભગ નક્કી થયેલી હારને જીતમાં ફેરવી દીધી હતી. દિપક ચહરને અણનમ 69 રન મારવા માટે મેન ઓફ ધ મેચ આપવામાં આવ્યું હતું.
શ્રીલંકાના કોચનું ટેન્સન વધ્યું
આ મેચનો તણાવ શ્રીલંકના કોચ મિકી આર્થરના ચહેરા પર સ્પષ્ટ દેખાઈ રહ્યો હતો. ભારતીય ટીમની વિકેટ પડતાં જ અત્યંત ખુસ થતાં આર્થર વિકેટ ન મળતા ખૂબ જ નારાજ થઈ રહ્યા હતા. કેમેરામેનનું ધ્યાન મિકી આર્થરના હાવભાવ પર ગયું. મેચમાં પ્રેશર એટલું હતું કે, શ્રીલંકન કોચ ટેન્શનમાં આવી ગયા હતા.
કોચ અને કેપ્ટન વચ્ચે થયો ઝગડો
મેચમાં ભારતે જીત મેળવી ત્યારે મિકી આર્થર મેદાન પર આવી ગયા અને શ્રીલંકાના કેપ્ટન દાસુન શનકાને ખખડાવવા લાગ્યા. સોશિયલ મીડિયા પર આ વીડિઓ ખૂબ જ વાઇરલ થઈ રહ્યો છે. વીડિયોમાં સ્પષ્ટ દેખાઈ રહ્યું છે કે, મિકી આર્થર ખૂબ જ ગુસ્સે છે અને શ્રીલંકાઈ કેપ્ટને મેચ દરમિયાન લીધેલા નિર્ણયોની ગંભીર ટીકાઓ કરી રહ્યા છે. જ્યારે દાસુન શનકા કોચને સમજાવવાનો પ્રયત્ન કરી રહ્યા છે. વીડિયોના અંતમાં મિકી આર્થર ગુસ્સામાં ગ્રાઉન્ડની બહાર જતાં પણ દેખાઈ રહ્યા છે.
મેચ બાદ મિકી આર્થરે આપ્યું પોતાનું મંતવ્ય
મેચ બાદ મિકી આર્થરે કહ્યું કે, વીડિયોને ખોટા સંદર્ભમાં વાઇરલ કરવામાં આવ્યો છે. મારા અને શનકા વચ્ચે ઝગડો નહોતો થયો અમે ફક્ત મેચ વિશે પોતાના વિચારો રજૂ કરી રહ્યા હતા. પહેલી મેચની સરખામણીમાં બીજી મેચમાં શ્રીલંકાએ ખૂબ જ સારું પ્રદર્શન કર્યું હતું અને ભારતને લગભગ હાર આપી જ દીધી હતી. દિપક ચહરની અવિશ્વસનીય ઇનિંગના લીધે ભારતે એક રોમાંચક જીત મેળવી હતી કે જેની પ્રસંશા વિરાટ કોહલીએ પણ કરી હતી.