ઇંગ્લેન્ડના ભૂતપૂર્વ કેપ્ટન માઇકલ વોને કહ્યું કે ઓસ્ટ્રેલિયા સામે રમાનાર ચાર મેચની ટેસ્ટ સિરીઝમાં ભારતે 0-4થી હારનો સામનો કરવો પડી શકે છે.
ઇંગ્લેન્ડના ભૂતપૂર્વ કેપ્ટન માઇકલ વોને કહ્યું કે આ શ્રેણીમાં ભારતે મિચેલ સ્ટાર્ક, જોશ હેઝલવુડ અને પેટ કમિન્સ જેવા બોલરોનો સામનો કરવો પડશે. ભારતે નવા કુકાબુરા બોલથી રમવું પડશે. જો તેઓ આ પડકારો નહીં ઝીલી શકે તો ઓસ્ટ્રેલિયાની ટીમ ખૂબ મજબૂત અને કદાવર દેખાશે.
‘Australia will have an upper hand due to Virat Kohli’s absence’
પિંક બોલ ટેસ્ટ મેચ આ શ્રેણી માટે ખૂબ મહત્વની રહેશે. જો ઓસ્ટ્રેલિયા એડિલેડમાં જીત મેળવે છે, તો પછીની ત્રણ મેચોમાં વિરાટ કોહલી નહીં હોય અને તે પછી ઓસ્ટ્રેલિયા 4-0થી શ્રેણી જીતી શકે છે. વોને કહ્યું કે, 2018-19માં ભારતે ઓસ્ટ્રેલિયાની મુલાકાત લીધી ત્યાર પછી ઓસ્ટ્રેલિયાની ટીમમાં હવે ઘણો સુધારો થયો છે.
વોને જોકે અગાઉ કહ્યું હતું કે ભારતને ઓસ્ટ્રેલિયા પ્રવાસમાં ત્રણેય ફોર્મેટમાં હારનો સામનો કરવો પડશે. પરંતુ તેમની ભવિષ્યવાણી ખોટી પડી અને ટીમ ઇન્ડિયાએ ઓસ્ટ્રેલિયાને 2-0થી હરાવીને T-20 શ્રેણી પોતાના નામે કરીને ટીકાકરોને ચૂપ કરાવી દીધા.