દબદબો / હાર્દિક પંડ્યાની બલ્લે બલ્લે! GTની શાનદાર જીત બાદ આ દિગ્ગજ પ્લેયરે કરી ટીમ ઇન્ડિયાનાં કેપ્ટન બનાવવાની માંગ

• IPL 2022ની વિજેતા રહી ગુજરાત ટાઈટન્સ 
• કેપ્ટન હાર્દિક પંડ્યાનું રહ્યું શાનદાર પ્રદર્શન 
• માઈકલ વોને કરી હાર્દિકને ટીમ ઇન્ડીયાના કેપ્ટન બનાવવાની વાત 

IPL 2022ની વિજેતા રહી ગુજરાત ટાઈટન્સ 

IPL 2022માં ગુજરાત ટાઈટન્સની જીતનાં હીરો હાર્દિક પંડ્યા રહ્યા છે. હાર્દિકે કેપ્ટન્સી સાથે બેટ અને બોલથી પણ પોતાનો જાદૂ વિખેર્યો છે. ફાઈનલ મુકાબલામાં તો હાર્દિકે કમાલ કરી બતાવી. ફાઈનલમાં હાર્દિકે ત્રણ વિકેટ લીધી અને પછી 30 બોલમાં 34 રન બનાવ્યા. 

માઈકલ વોને કરી હાર્દિકને ટીમ ઇન્ડીયાના કેપ્ટન બનાવવાની વાત 

હાર્દિક પંડ્યાની શાનદાર કેપ્ટન્સીનાં સૌ કોઈ ફેન બની ગયા છે. પંડ્યાની કેપ્ટન્સીથી ઇંગ્લેન્ડનાં પૂર્વ કેપ્ટન માઈકલ વોન પણ પ્રભાવિત થયા છે. વોને આવનાર સમયમાં હાર્દિકને કેપ્ટન બનાવવા માટે વકાલત કરી છે. વોને ટ્વીટ કર્યું છે કે નવી ફ્રેન્ચાઈસી દ્વારા આ મેળવવામાં આવેલ શાનદાર ઉપલબ્ધિ છે. જો ભારતને એક બે વર્ષમાં કેપ્ટન પસંદ કરવાની જરૂર ઉભી થાય છે, તો તેઓ હાર્દિક પંડ્યાને સપોર્ટ કરશે. 

Fantastic achievement for a new franchise … If India need a captain in a couple of years I wouldn’t look past @hardikpandya7 … Well done Gujurat .. #IPL2022

— Michael Vaughan (@MichaelVaughan) May 29, 2022

હાર્દિકે આઈપીએલ 2022માં 15 મેચમાં 44.27ની સરેરાશે 487 રન બનાવ્યા, જેમાં ચાર અડધી સદી સામેલ છે. હાર્દિક ગુજરાત માટે આ સીઝનમાં સૌથી વધારે રન બનાવનાર પ્લેયર રહ્યા છે. હાર્દિકે બોલિંગમાં પણ કમાલ કરી બતાવતા 27.75ની એવરેજથી કુલ આઠ વિકેટ લીધી. હાર્દિકને સાઉથ આફ્રિકા સામે ટી20 સીરીઝ માટે ટીમમાં પણ જગ્યા મળી છે. 

ગુજરાત ટાઈટન્સે કર્યો રોડ શો 
ગુજરાત ટાઈટન્સે પહેલી આઈપીએલ ટ્રોફી જીતવાની ખુશી ખાસ પ્રકારે મનાવી છે. ટીમનાં પ્લેયર્સે અમદાવાદમાં રોડ શો કરીને પોતાના ફેન્સ અને સપોર્ટર્સનો આભાર વ્યક્ત કર્યો હતો. આ રોડ શો ઉસ્માનપુરા રીવરફ્રંટથી શરુ થઈને વિશ્વકુંજ રીવરફ્રંટ પર જઈ અટક્યો. 

We couldn’t have won this #SeasonOfFirsts without you, #TitansFAM 💙

We can’t thank the city police enough for ensuring our road show was a roaring success! 🙏

Love and wishes, #AavaDe😍 pic.twitter.com/uQHF6bY8ad

— Gujarat Titans (@gujarat_titans) May 30, 2022

માઈકલ વોનની વાત કરીએ તો તેઓ સોશિયલ મીડિયા પર પોતાની કમેન્ટ્સનાં માધ્યમથી ચર્ચામાં રહે છે. આ ઇંગ્લિશ બેટ્સમેને 86 વન ડે ઇન્ટરનેશનલ મેચ પણ રમી છે પરંતુ ક્યારેય તેઓ સોનાં આંકડા સુધી પહોંચી નથી શક્યા. વોને ઓડીઆઈ ક્રિકેટમાં 27.15ની સરેરાશે 1982 રન બનાવ્યા છે અને તેમનો બેસ્ટ સ્કોર 90 રહ્યો છે. માઈકલ વોનનો ટેસ્ટ ક્રિકેટમાં પણ શાનદાર રેકોર્ડ છે, જ્યાં તેમણે 147 ઇનિંગ્સમાં 41.44ની સરેરાશે 5719 રન બનાવ્યા છે. વોને ટેસ્ટ મેચોમાં 18 સદી ફટકારી છે.