આંદોલન / ખેડૂત આંદોલનને લઈને મિયા ખલીફાના ફરી ટ્વીટથી ખળભળાટ, કહ્યું- જ્યાં સુધી પૈસા નહીં મળે ત્યાં સુધી...

• ખેડૂતના આંદોલનનો મુદ્દો ગરમાયો 
• મિયા ખલિફાએ ફરીવાર સમર્થનમાં કર્યું ટ્વીટ

ઉલ્લેખનીય છે કે, અભિનેત્રી મિયા ખલિફા અને અમાન્ડા સર્નીએ ખેડૂત આંદોલન અંગે ટ્વીટ કર્યું છે ત્યારથી સોશિયલ મીડિયા પર તેમને જોરદાર ટ્રોલ કરવામાં આવી રહ્યા છે. તો ઘણી ટ્રોલ્સમાંતો તેઓ પૈસા લે છે અને ટ્વિટ કરે છે તેવા પણ આરોપ લગાવવામાં આવી રહ્યા છે. 

અમાન્ડા સર્નીએ પણ પહેલા કર્યું ટ્વીટ 

પરંતુ આ બંનેએ ખેડૂત આંદોલનને ટેકો ચાલુ રાખ્યો છે. આપને જણાવી દઇએ કે, અમાન્ડા સર્નીએ અગાઉ ચુકવેલા ટ્વીટ પર પ્રતિક્રિયા આપી હતી અને મિયા ખલિફાએ પણ આ અંગે પ્રતિક્રિયા આપી છે.

We will keep tweeting until we’re paid!!!! #MAKETHISANAD https://t.co/Ra1udiStju

— Mia K. (@miakhalifa) February 6, 2021

મેં ઘણા ટ્વીટ કર્યા છે : અમાન્ડા સર્ની

અમેરિકાની અભિનેત્રી અમાન્ડા સર્નીએ ટ્વીટ કર્યું છે હતું કે, 'આ ફક્ત હેરાન કરવા માટે છે. મને ઘણા પ્રશ્નો છે ... કોણ મને પૈસા આપી રહ્યું છે? મને કેટલા પૈસા મળી રહ્યા છે? હું મારું બિલ ક્યાં મોકલી શકું? મને પૈસા ક્યારે મળશે? મેં ઘણું ટ્વિટ કર્યું છે ... શું મને વધારે પૈસા મળશે? '

અમાન્ડાના ટ્વીટ પર મિયાનો રિપ્લાય

જો કે, અમાન્ડાના આ ટ્વીટ બાદ મિયા ખલીફાએ રિપ્લાયમાં લખ્યું હતું કે, અમે ત્યાં સુધી ટ્વીટ કરવાનું ચાલું રાખીશું જ્યાં સુધી અમને પૈસા નહીં મળે. જો કે, બંન્નેના ટ્વીટ્સ ખૂબ વાયરલ થઈ રહ્યા છે.

હોલીવૂડ અભિનેત્રી સુઝેન સરંડને પણ કર્યું છે ટ્વીટ 

એક્ટ્રેસ સુઝેન સરંડને ભારત સરકાર દ્વારા રજૂ કરવામાં આવેલ કૃષિ કાયદાનાં વિરોધમાં ટ્વીટ કર્યુ છે. એક્ટ્રેસે લખ્યું કે, કોર્પોરેટ લાલચ અને દમનની કોઈ સિમા નથી હોતી. અમેરિકા નહીં પણ વિશ્વભરમાં જ્યાં તેઓ કોર્પોરેશન, મીડિયા અને નેતાઓની સાથે કામ કરી રહ્યાં છે અને કમજોરોનો અવાજ દબાવી રહ્યાં છે. આપણે ભારતનાં નેતાઓને બતાવવુ પડશે કે વિશ્વ તેમને જોઈ રહ્યું છે અને ખેડૂતો સાથે ઉભુ છે.

સ્વરા ભાસ્કરે રિહાનાને સમર્થન આપ્યું

સુઝેન સરંડન પહેલા પોપ સિંગર રિહાના, મિયા ખલીફાએ પણ ખેડૂત આંદોલનનું સમર્થન અને ભારતની આલોચના કરતી ટ્વીટ કરી હતી. રિહાના એક ગ્લોબલ સ્ટાર છે અને તેનાં સમર્થન બાદ ખેડૂત આંદોલનને વિશ્વનાં ઘણાં દેશોનું સમર્થન મળ્યું. એટલુ જ નહીં બોલિવૂડ એક્ટ્રેસ ઋચા ચડ્ઢા અને સ્વરા ભાસ્કરે રિહાનાનાં ટ્વીટની સરાહના કરી અને ખેડૂત આંદોલનનું સમર્થન કરતું ટ્વીટ પણ કર્યું હતું.