કૃષિ આંદોલન / મિયા ખલીફાનું વધુ એક ટ્વિટ, આ વખતે આ બોલિવૂડ અભિનેત્રીને સપાટામાં લીધી પરંતુ કંગના નહીં

• મિયા ખલીફાએ કર્યું વધુ એક ટ્વિટ 
• આ વખતે બોલિવૂડ અભિનેત્રી પર સાધ્યું નિશાન 
• પ્રિયંકા ચોપડા જોનાસના મૌન પર સાધ્યું નિશાન

ભારતમાં ચાલી રહેલા ખેડૂત આંદોલન વિશે મિયા ખલીફા ખૂબ જ બિન્ધાસ્ત રીતે પોતાના વિચારો રજૂ કરી રહી છે અને ટ્વિટરના માધ્યમથી પોતાના વિચારો રજૂ કરી રહી છે. મિયાએ આજે ફરી એકવાર આ મુદ્દે ટ્વિટ કર્યું હતું. જો કે આ વખતે મિયા ખલીફાએ બોલિવૂડ અભિનેત્રી પ્રિયંકા ચોપડા પર નિશાન સાધ્યું છે. મિયા ખલીફાએ પ્રિયંકા ચોપડાને તેના મૌન વિશે સવાલો કર્યા છે.

Is Mrs. Jonas going to chime in at any point? I’m just curious. This is very much giving me shakira during the Beirut devastation vibes. Silence.

— Mia K. (@miakhalifa) February 7, 2021

મિયા ખલીફાએ આ અંગે કર્યું છે ટ્વિટ 

મિયા ખલીફાએ પોતાના ટ્વિટમાં કહ્યું,'મિસીસ જોનાસ કોઈક પ્રસંગે મૌન તોડવા જઈ રહી છે? હું તો માત્ર જાણવા માટે ઉત્સુક છું. શાંતિ...' જો કે મિયા ખલીફાનું આ ટ્વિટ સોશિયલ મીડિયા પર ખૂબ જ વાયરલ થઈ રહ્યું છે.

And just like that, two girls have dismantled the world’s largest economy and government, one tweet at a time. @AmandaCerny #forthefarmers pic.twitter.com/LUq49sNryF

— Mia K. (@miakhalifa) February 7, 2021

પ્રિયંકાએ અગાઉ પણ ખેડૂતોને ટેકો આપ્યો હતો

મહત્વનું છે કે પ્રિયંકા ચોપડાએ ડિસેમ્બરમાં ખેડૂત વિરોધ પ્રદર્શન અંગે એક ટ્વીટ કર્યું હતું. તેમણે ખેડૂતોને ટેકો આપ્યો. પ્રિયંકાએ લખ્યું કે, 'અમારા ખેડુત ભારતના ખાદ્ય સૈનિકો છે. તેમના ડરને દૂર કરવાની જરૂર છે. તેમની અપેક્ષાઓ પ્રમાણે જીવવાની જરૂર છે. એક લોકતંત્ર તરીકે આપણે ખાતરી કરવી જ જોઇએ કે આ સંકટ જલ્દીથી ઉકેલી શકાય. '

કંગનાએ પ્રિયંકા પર નિશાન સાધ્યું હતું

આ ટ્વિટથી બોલિવૂડની પંગા ગર્લ કંગના ગુસ્સે થઈ ગઈ હતી અને તેણે પ્રિયંકા ચોપડા અને દિલજિત પર નિશાન સાધ્યું હતું. ત્યારબાદ, પ્રિયંકાએ આ મુદ્દે કોઈ પણ નિવેદન આપ્યું જ નથી, જો કે હવે ફરી એકવાર મિયા ખલીફાએ તેના ચૂપ રહેવા પર સવાલ ઉઠાવ્યા છે. હવે જોવાનું એ રહેશે કે આ અંગે પ્રિયંકા ચોપડા કોઈ જવાબ આપે છે કે નહીં. 

Thank you @rupikaur_ for this beautifully harvested feast, and thank you @theJagmeetSingh for the Gulab!!! I’m always worried I’ll get too full for dessert, so I eat it during a meal. You know what they say, one Gulab a day keeps the fascism away! #FarmersProtests pic.twitter.com/22DUz2IPFQ

— Mia K. (@miakhalifa) February 7, 2021

ભારત સરકારે આ મામલે વાંધો ઉઠાવ્યો હતો

મહત્વનું છે કે આંતરરાષ્ટ્રીય સેલેબ્સે ભારતમાં ચાલી રહેલા ખેડૂત આંદોલનને ટેકો આપ્યો હતો, જેના વિશે બોલિવૂડ સેલેબ્સ અને ભારત સરકારે પોતાનો વાંધો વ્યક્ત કર્યો હતો. ભારત સરકારે સ્પષ્ટ કરી દીધું હતું કે આ ભારતની આંતરિક બાબત છે. જો કે આ મુદ્દે ખેડૂતોને સમર્થન આપનારા ઇન્ટરનેશનલ સેલેબ્સમાં પોપ સ્ટાર રિહાના, ક્લાઇમેટ ચેન્જ એક્ટિવિસ્ટ ગ્રેટા થનબર્ગ અને મિયા ખલીફા પણ સામેલ હતા. આ સિવાય પણ મિયા ખલીફાએ અઅ આંદોલનને લઈને ઘણા ટ્વિટ કર્યા હતા.