લોન્ચ / ચીનની નંબર 1 કંપની ભારતમાં લાવી રહી છે 108 MP કેમેરા ધરાવતો શાનદાર ફોન

• 108 મેગાપિક્સલવાળો કેમેરા છે આ ફોનની ખાસિયત
• આ ફોનની બોડી ગ્લાસની છે
• ફોન 5જી કનેક્ટિવિટી સાથે આવશે

શાઓમીએ ગયા વર્ષે સપ્ટેમ્બર મહિનામાં એમઆઈ મિક્સ અલ્ફા સ્માર્ટફોન લોન્ચ કર્યો હતો. યૂનિક ડિઝાઈનને કારણે આ ફોને બધાંનું ધ્યાન આકર્ષિત કર્યું છે. Mi Mix Alpha સ્માર્ટફોન ચારેય તરફ ડિસ્પ્લેની સાથે આવે છે અને આ સંપૂર્ણ રીતે એક ગ્લાસ ફોન છે. 

ફીચર્સની વાત કરીએ તો ફોનમાં 7.92 ઈંચની ફ્લેક્સિબલ OLED ડિસ્પ્લે છે. સાથે જ તેમાં 2088x2250 પિક્સલનું રિઝોલ્યૂશન પણ છે. સ્માર્ટફોનમાં કોસકોમ સ્નેપડ્રેગન 855 પ્લસ સહિત 12 જીબી રેમ છે. સોફ્ટવેરની વાત કરીએ તો Mi Mix અલ્ફામાં MIUI ઓપરેટિંગ સિસ્ટમ આપેલી છે. 

Mi Mix Alpha છે 108 મેગાપિક્સલ કેમેરા

આ ફોનમાં 108 મેગાપિક્સલ ટ્રિપલ રિયર કેમેરા આપવામાં આવશે. તેમાં 20 મેગાપિક્સલનું અલ્ટ્રા વાઈડ એંગલ કેમેરા, 12 મેગાપિક્સલ ટેલીફોટો કેમેરા અને 108 મેગાપિક્સલનો હાઈ રિઝોલ્યૂશન કેમરા આપવામાં આવ્યો છે. જોકે, એમઆઈ મિક્સ અલ્ફામાં સેલ્ફી કેમેરા નથી.