Xiaomi Mi Band 4ને ચીનના એક ઇવેન્ટમાં લોન્ચ કરી દેવામાં આવ્યો છે.
નવા Mi Band વર્ઝનમાં 2.5D કર્વ્ડ ગ્લાસ પ્રોટેક્સશનની સાથે કલર્ડ AMOLED પેનલ આપવામાં આવી છે. AMOLED ડિસ્પ્લે હોવાની સાથે આ વોચ ફેસને સપોર્ટ કરવામાં આવ્યો છે.
કંપનીએ અન્ય સ્ટિવ બેન્ડનો ઓપ્શન પણ આપ્યો છે, જેથી યુઝર્સ પસંદગીનો વિકલ્પ લઈ શકે. આ Mi Bandમાં 6-એક્સિસ એક્સીલેરોમીટર સેન્સર આપ્યું છે, જે મુવમેન્ટ દરમિયાન ફિઝિકલ એક્ટિવિટીને મોનિટર કરે છે. સાથે કંપનીએ આ બેન્ડમાં પેમેન્ટ સપોર્ટ પણ આપ્યો છે.
Xiaomi Mi Band 4 ની કિંમત સ્ટાન્ડર્ડ એડિશન માટે CNY 169 (લગભગ 1700 રૂપિયા) રાખવામાં આવી છે. ત્યારે NF વેરિયન્ટની કિંમત CNY 229 ( લગભગ 2300 રૂપિયા) છે. આ સાથે જ Avengers સીરિઝ લિમિટેડ એડિશન આપવામાં આવ્યુ છે, તેમાં ત્રણ અલગ અલગબેન્ડ્સ, માર્વલ સુપરહીરો વૉચ ફેસની સ્પેશિયલ એવેન્જ પેકેજ કિંમત CNY 349 (લગભગ 3,500 રૂપિયા) રાખવામાં આવી છે.
કંપનીએ હાલપુરતી તેની આંતરરાષ્ટ્રીય કિંમત અને તેની ઉપલબ્ધતા અંગે કોઈ સ્પષ્ટતા કરી નથી. Mi Band 3 ગત વર્ષે મે મહિનામાં લોન્ચ કરવામાં આવી હતી. ભારતમાં તેને ગત વર્ષે સપ્ટેમ્બર મહિનામાં લોન્ચ કરવામાં આવી હતી અને તેની કિંમત રૂપિયા 1,999 રૂપિયા રાખવામાં આવી હતી.
સ્પેસિફિકેશન્સ અને ફિચર્સ:
Mi Band 4 માં 2.5D ગ્લાસ પ્રોટેક્શન અને 120x240 પિક્સેલ રિઝોલ્યૂશન સાથે 0.95- ઈંચની કલર AMOLED ડિસ્પ્લે આપી છે. નવા મોડેલમાં ટચ ઈનપુટનો સપોર્ટ પણ આપવામાં આવ્યો છે. ઈનબિલ્ટ માઈક્રોફોનની સુવિધા પણ તેમાં મળે છે, જે વોઈસ કમાન્ડ માટે ઉપયોગી હોય છે.
આ નવા MI બેન્ડમાં 6 એક્સિસ એક્સીલેરોમીટર પણ છે, જે વ્યક્તિના ફિઝિકલ મોનિટરિંગ માટે કાર્યરત રહે છે. મોનિટરિંગમાં સાયકલિંગ, કસરત, દોડ, સ્વિમિંગ અને વૉકિંગનો સમાવેશ થાય છે. આ ડિવાઈસ 5 ATM રેટેડ છે તથા અલગ અલગ પ્રકારે સ્વિમિંગ, ટ્રોક્સ-ફ્રી સ્ટાઈલ, બ્રેસ્ટસ્ટ્રોક, બેક સ્ટ્રોક, બટરફ્લાઈ અને મિક્સ્ડ સ્ટાઈલને ઓળખવા માટે પણ સક્ષમ છે.
\
Xiaomiએ Mi Band 4માં પેમેન્ટ મોડ પણ ઈન્ટિગ્રેટ કર્યો છે, જેના થકી યુઝર્સ પેમેન્ટ પણ કરી શકે છે. આ બેન્ડમાં આપવામાં આવેલા ઈનબિલ્ટ માઈક્રોફોન Mi Band 4 ને વોઈસ કમાન્ડથી ઓળખવા માટે પણ મદદરૂપ થાય છે. તેમાં આપેલી અમોલ્ડ ડિસ્પ્લે પેનલ થકી યુઝર્સ પોતાનાં સ્માર્ટફોન સાથે તેને કનેક્ટ કરી શકે છે, તેનાથી દિવસ દરમિયાનની તમામ શારીરિક પ્રવૃત્તિ, ટેક્સ્ટ મેસેજ નોટિફિકેશન અને વોઈસ કૉલની જાણકારી આપે છે. આ ડિસ્પ્લે ફોન શોધવામાં અને માત્ર એક ટેપમાં મ્યૂઝિક સ્વીચ કરવામાં પણ મદદરૂપ થાય છે. માત્ર એટલું જ નહીં તે હવામાન અને સ્ટોક-માર્કેટનું અપડેટ પણ આપશે.
કંપનીએ આ અંગે જાણકારી આપી છે કે, આ બેન્ડ સિંગલ ચાર્જમાં 20 દિવસ સુધી ચલાવી શકાય છે. સાથે તેમાં યુઝર્સને 77 કલરફૂલ વૉચ ફેસ પણ મળી રહે છે.