ન્યૂ લોન્ચ / MG ZS ઈલેક્ટ્રિક SUV ભારતમાં થઈ લોન્ચ, સિંગલ ચાર્જમાં કાપશે 340 kmનું અંતર

• Hyundai Konaને ટક્કર આપશે MG ZS ઈલેક્ટ્રિક SUV
• 50 હજાર રૂપિયા બુકિંગ અમાઉન્ટ આપી કરાવો બુક 
• એસયૂવી માત્ર 8 સેકન્ડમાં જ 100 કિમી પ્રતિ કલાકની સ્પીડથી દોડશે

હાલ MG ZS ઈલેક્ટ્રિક કારને માત્ર ડિસ્પ્લે કરાઈ છે. વેચાણ માટે તેને ઓફિશિયલી જાન્યુઆરી મહિનામાં લોન્ચ કરવામાં આવશે. કંપનીએ આ એસયૂવીની બુકિંગ પહેલાં જ શરૂ કરી દીધી છે. માહિતી મુજબ, ઈલેક્ટ્રિક એસયૂવી માટે તમારે માત્ર 50 હજાર રૂપિયા બુકિંગ અમાઉન્ટ જમા કરાવવું પડશે. તમે આ કારને કંપનીના ઓફિશિયલ ડીલરશિપ પાસે બુક કરાવી શકો છો. 

શરૂઆતમાં કંપની એસયૂવીને દિલ્હી, મુંબઈ, અમદાવાદ, બેંગલુરુ અને હૈદરાબાદમાં વેચાણ માટે લોન્ચ કરશે. જે બાદ ગ્રાહકોના રિસપોન્સ પછી દેશના અન્ય શહેરોમાં તેને લોન્ચ કરવામાં આવશે. આ એસયૂવી સાથે ફાસ્ટ ચાર્જિંગ સિસ્ટમ પણ આપવામાં આવશે.  

મોટર અને ચાર્જિંગ

આ કારમાં 44.5kWhની ક્ષમતાવાળી Lithium-ion બેટરીનો ઉપયોગ કરવામાં આવ્યો છે. જે સિંગલ ચાર્જમાં 330 કિમી સુધીનું ડ્રાઈવિંગ રેન્જ આપશે. માત્ર 40 મિનિટમાં જ આ એસયૂવી 80 ટકા ચાર્જ થઈ જશે અને સામાન્ય ચાર્જરથી આ એસયૂવી 7થી 8 કલાકમાં ફુલ ચાર્જ થઈ જશે. ભારતીય બજારમાં આ એસયૂવી લોન્ચ થયા બાદ તે Hyundai Konaને ટક્કર આપશે. જે સિંગર ચાર્જમાં 340 કિમીનું અંતર કાપે છે. આ સિવાય એસયૂવી માત્ર 8 સેકન્ડમાં જ 100 કિમી પ્રતિ કલાકની સ્પીડથી દોડી શકે છે.

આવું છે કારનું ઈન્ટીરિયર

MG ZSના કેબિનમાં કંપનીએ ઘણો જ સુધાર કર્યો છે. તેના સેન્ટ્રલ કન્સોલમાં તમને કેટલાક બટન મળે છે, જેનાથી તમે SUVના ફીચર્સને કંટ્રોલ કરી શકો છો. કેબિનનો કલર બ્લેક થીમ પર રાખવામાં આવ્યો છે. આ સિવાય ડેશબોર્ડ, ડોર પેડ્સ અને એસી વેન્ટ્સ પર સિલ્વર ફીનિશ આપવામાં આવ્યું છે, જે કારના ઈન્ટીરિયરને પ્રીમિયમ ટચ આપે છે. તેમાં 8.0 ઈન્ચનું ટચ સ્ક્રીન ડેશબોર્ડ પણ સામેલ છે. જેને તમે એપ્પલ કાર પ્લે અને એન્ડ્રોઈડ ઓટોથી કનેક્ટ કરી શકો છો. તેની સાથે જ બ્લૂટૂથ કનેક્ટિવિટી, રિયર વ્યૂ કેમેરા જેવા ફીચર્સ પણ સામેલ કરવામાં આવ્યા છે. 

મેટ્રો શહેરોમાં દર 5 કિમી પર એક ચાર્જિંગ સ્ટેશનની યોજના

કંપનીએ એસયૂવીને બેસ્ટ ચાર્જિંગ ઈન્ફ્રાસ્ટ્રક્ચર આપવાનો પ્લાન બનાવ્યો છે. તેના માટે કંપનીએ ફોર્ચ્યૂન ઈન્ડિયાથી હાથ મિલાવ્યો છે. જે 50 kWની ક્ષમતાનો ફાસ્ટ DC ચાર્જિંગ યૂનિટને કંપનીના શોરૂમમાં ઈન્સ્ટોલ કરી ચૂકી છે. આ સિવાય આગામી 5 વર્ષમાં દેશના મેટ્રો શહેરોમાં દર 5 કિમી પર એક ચાર્જિંગ સ્ટેશન અને હાઈવે પર દર 25 કિમી પર એક ચાર્જિંગ સ્ટેશન સ્થાપિત કરવાની કંપનીની યોજના છે.