ઈલેકટ્રીક કાર / ટૂંક સમયમાં લોન્ચ થશે ભારતની સૌથી સસ્તી ઈલેક્ટ્રીક કાર, જોવામાં પણ લાગે છે ક્યૂટ, જાણો કિંમત અને ફિચર્સ

• ટૂંક સમયમાં લોન્ચ થશે દેશની સૌથી સસ્તી ઈલેક્ટ્રીક કાર
• આ કારની સાઈઝ મારુતિ અલ્ટો જેટલી હશે
• ભારતીય ગ્રાહકોને પણ આ ખાસ કાર પસંદ આવશે

દેશમાં ઝડપથી ઇલેકટ્રીક કારનું વધી રહ્યું છે ચલણ

ભારતમાં ઝડપથી ઇલેકટ્રીક કારનું ચલણ વધવા લાગ્યું છે. જે રીતે પેટ્રોલ-ડીઝલના ભાવ આસમાને પહોંચી રહ્યાં છે એ વિષયના લીધે લોકોનું ધ્યાન ઇલેકટ્રીક કાર તરફ વળ્યું છે. આ બધા વચ્ચે જાણીતી કંપની MG Motor India એ પણ દેશમાં સસ્તા ભાવની ઇલેકટ્રીક કાર બજારમાં ઉતારવા ઉપર નજર ટેકવી રાખી છે. અત્યારે માર્કેટમાં MG કંપનીની MG ZS EV ઇલેકટ્રીક કાર દોડી રહી છે અને હવે પછી મીડિયા-રિપોર્ટના અનુમાન મુજબ ખૂબ જ સસ્તા ભાવની કાર લૉન્ચ કરે એવી શક્યતાઓ છે. આ કારનું કોડનેમ MG E230 છે. 

બે દરવાજા અને ચાર સીટ્સ 

MGની આ નવી ઇલેકટ્રીક કાર સાઈઝમાં એકદમ નાની અને બે દરવાજા સાથે આવશે અને 4 લોકોને બેસવાની વ્યવસ્થા કરવામાં આવી છે. કંપની આવતા વર્ષ સુધીમાં કાર લોંચ કરે એવી શક્યતાઓ છે. આ ઇવીની લંબાઈ 2197 મીમી, પહોળાઈ 1493 મીમી અને ઊંચાઇ 1621 મીમી. કારનો વ્હીલબેસ 1940 મીમી. છે. કુલ મળીને આ કારની સાઈઝ મારુતિ અલ્ટો જેટલી હશે. ચીનના માર્કેટમાં આ કારને લોકોએ ખૂબ પસંદ કરી છે. આ જ કારણથી ભારતીય ગ્રાહકોને પણ આ ખાસ કાર પસંદ આવશે     અને સામાન્ય નાગરિકને પણ પરવડશે. 

આકર્ષક ફીચર્સની સાથે આવશે

નવી ઇલેકટ્રીક કાર એબીએસ સાથે ઇબીડી, રિયર પાર્કિંગ સેન્સર અને આગળના ભાગે ડબલ એરબેગ્સ હશે. આ સિવાય આ મોડેલમાં કાર કનેકટેડ ટેકનિક પણ જોવા મળશે. આ મોડેલ 20 kWh બેટરી સાથે આવશે. જેથી સિંગલ ચાર્જમાં 150 કિલોમીટરની રેંજ આપશે. એક અનુમાન મુજબ આ કારની કિંમત 10 લાખ કરતાં પણ ઓછી હશે જે ગ્રાહકોના બજેટમાં હશે. આ કિંમતે ભારતનું સૌથી સસ્તું મોડેલ બની જશે. જે આજની સૌથી સસ્તી ઇલેકટ્રીક કાર ટાટા ટિગોર કે જેની કિંમત માર્કેટના એક્સશૉરૂમમાં 11.99 લાખ રૂપિયા છે.