ઓટો એક્સપો 2020માં અનેક મોટી-મોટી લક્ઝરી કાર્સ અને ઈલેક્ટ્રિક કાર્સ લોકોનું ધ્યાન આકર્ષિત કરી રહી છે. આ બધાની વચ્ચે કેટલીક એવી પણ યૂનિક કાર રજૂ કરવામાં આવી જેના પરથી નજર હટાવવી મુશ્કેલ બની જાય. એવી જ એક કાર એક્સપોમાં જોવા મળી, જે સાઈઝમાં ટાટા નેનો કરતાં પણ નાની છે.
MG મોટર્સે ઓટો એક્સપોમાં રજૂ કરી નેનો કરતાં નાની કાર
ટ્રાફિકવાળા શહેરોમાં બહુ ઉપયોગી સાબિત થશે આ કાર
આ કારમાં 2 વ્યક્તિને બેસી શકે છે
આ બધાંની વચ્ચે બ્રિટિશ વાહન નિર્માતા કંપની MGએ એક એવી કાર E200 ડિઝાઈન કરી છે જે ખાસ કરીને ટ્રાફિકવાળા શહેરોમાં બહુ ઉપયોગી સાબિત થઈ શકે છે. કંપનીએ તેનો 3-ડોર રનઆઉટ કોન્સેપ્ટ રજૂ કર્યો છે. જે પર્સનલ મોબિલિટી પર બેસ્ડ છે. આ માઇક્રો ઇલેક્ટ્રિક કાર છે, જેમાં માત્ર બે લોકો બેસી શકે છે. આ કારની લંબાઈ 2488 mm છે. આ કાર ટાટા નેનોની સરખામણીએ લગભગ 676 mm નાની, 1506 mm પહોળી અને 1617 mm લાંબી છે. જ્યારે આ કારનું વજન 800 કિલોગ્રામ છે.
ફીચર્સ
એમજીની આ નાનકડી 2 સીટર E200માં 29kW લિથિયમ આયન બેટરીનો પ્રયોગ કરવામાં આવ્યો છે. જ્યારે આ કારની ખાસ વાત એ છે કે, આ સાઈઝમાં નાની હોવા છતાં તેની ટોપ સ્પીડ 100kphની છે. રિપોર્ટ મુજબ આમાં ઉપયોગમાં લેવાયેલી મોટર પર ધ્યાન આપવામાં આવ્યું છે. જેથી તે વધારે પડતું નોઈસ ન કરે. જ્યારે તેની ડ્રાઈવિંગ રેન્જને લઈને કંપનીએ દાવો કર્યો છે કે, આ કાર સિંગલ ચાર્જમાં 210 કિમી સુધીનું અંતર કાપશે.
ઇન્ટિરિયર
E200માં LED લાઈટ્સ, મલ્ટી ફંક્શન સ્ટીયરિંગ વ્હીલ, 7.0 ઈંચ ટચસ્ક્રીન ડિસ્પ્લે, એબીએસ, ઈબીડી મલ્ટીપલ એરબેગ્સ જેવા ફીચર્સ પણ સામેલ છે. આ નાની કારમાં એસી અને કનેક્ટેડ કાર ટેક્નોલોજી જેવાં ફીચર્સ આપવામાં આવ્યાં છે. તમને જણાવી દઈએ કે, વર્તમાન સમયમાં એમજી E200ને ડાબા હાથથી ડ્રાઈવ કોન્ફિગ્રેશન સાથે ચીનમાં વેચાણ કરવામાં આવે છે. જેથી આ કારને કંપની ભારતમાં રજૂ કરી ભારતીય ગ્રાહકોની પ્રતિક્રિયા જાણવા માંગે છે.
આ વખતે ઓટો એક્સપો 2020માં ઈલેક્ટ્રિક કાર પર વધુ ફોકસ
આ વખતે ઓટો એક્સપો 2020માં વાહન નિર્માતા કંપનીઓનું ઈલેક્ટ્રિક મોબિલિટી પણ વધુ ફોકસ જોવા મળી રહ્યું છે. જેમાં ઘરેલુ કાર નિર્માતા કંપનીઓ મારુતિ સુઝુકી, ટાટા મોટર્સ અને મહિન્દ્રાની સાથે કિઆ અને એમજીએ પણ ઈલેક્ટ્રિક વાહનો રજૂ કર્યા છે.