એમજી મોટર ઈન્ડિયાએ Hector Plus SUV પરથી પડદો હટાવી દીધો છે. આ સાથે જ કંપનીએ લોન્ચિંગ પહેલા આ નવી એસુયવીનું બુકિંગ પણ શરૂ કરી દીધું છે. MG Motor Indiaની વેબસાઈટ પરથી 50 હજાર રૂપિયામાં MG Hector Plusને બુક કરી શકાય છે. આ નવી એસયુવીને ઓટો એક્સ્પોમાં રજૂ કરવામાં આવી હતી. હેક્ટર પ્લસ Hector SUVનું 6-સીટર મોડલ છે. બંનેને અલગ લુક આપવા માટે કંપનીએ હેક્ટર પ્લસની ડિઝાઈનમાં થોડો ફેરફાર કર્યો છે.
મળે છે ત્રણ એન્જિનનો ઓપ્શન
હેક્ટર પ્લસ ત્રણ એન્જિન ઓપ્શનમાં આવશે, જેમાં 1.5 લિટર પેટ્રોલ, 1.5 લિટર પેટ્રોલ હાઈબ્રિડ અને 2 લિટર ડીઝલ એન્જિનસામેલ છે. બંને પેટ્રોલ એન્જિન 143 psના પાવર અને 250Nm ટોર્ક જનરેટ કરે છે. ડીઝલ એન્જિન 170 psનો પાવર અને 350Nm ટોર્ક જનરેટ કરે છે. ડીઝલ એન્જિન અને હાઈબ્રિડ પેટ્રોલ એન્જિનની સાથે માત્ર 6-સ્પીડ મેન્યુઅલ ગિયરબોક્સ મળશે. જ્યારે હાઈબ્રિડ વિનાના પેટ્રોલ એન્જિનની સાથે માત્ર 6-સ્પીડ ડ્યુઅલ-ક્લચ ઓટોમેટિક ગિયરબોક્સ હશે.
6 સીટર અને 3 વેરિઅન્ટ
હેક્ટર પ્લસ લોન્ચિંગના સમયે 6 સીટર કન્ફિગ્રેશનમાં આવશે. તેમાં વચ્ચે 2 કેપ્ટન સીટ આપવામાં આવી છે. તે ત્રણ વેરિઅન્ટ લેવલ-Super, Smart અને Sharpમાં ઉપલબ્ધ હશે. સુપર વેરિઅન્ટ માત્ર ડીઝલ એન્જિનની સાથે મળશે. સ્માર્ટ વેરિઅન્ટ ડીઝલ એન્જિન અને પેટ્રોલ-ઓટોમેટિક સાથે મળશે. તો, ટોપ વેરિઅન્ટ શાર્પ ત્રણેય એન્જિન ઓપ્શનની સાથે ઉપલબ્ધ હશે. આમ આ નવી એસયુવી 6 વર્ઝનમાં મળશે, તેમાં 3 ડીઝલ એન્જિન, 2 પેટ્રોલ-ઓટો અને એક પેટ્રોલ-હાઈબ્રિડ એન્જિનની સાથે હશે. ઉલ્લેખનીય છે કે, થોડા સમય બાદ આ એસયુવી 7 સીટર ઓપ્શનમાં પણ આવશે, જેમાં બીજી લાઈનમાં બેન્ચ સીટ મળશે.
ફીચર્સ
ફીચર્સની વાત કરીએ તો એમજીની આ નવી એસયુવીમાં એલઈડી હેડલેમ્પ્સ, એલઈડી ડીઆરએલ, એલઈડી ટેલલેમ્પ, ફ્રન્ટ અને રિયર એલઈડી ફોગ લેમ્પ્સ, 16 ઈંચ ડ્યુઅલ-ટોન અલોય વ્હીલ્સ, લેધરેટ અપહોલસ્ટ્રી, 6 પ્રકારના પાવર એડજેસ્ટેબલ ડ્રાઈવર સીટ, 8 કલર એમ્બિએન્ટ લાઈન્ટિંગ, 7 ઈંચ મલ્ટી ઈન્ફોર્મેશન ડિસ્પ્લે, પાવર્ડ બૂટ
ઓપનિંગ, હીટેલ આઉટ સાઈડ રિયર વ્યૂ મિરર્સ, એન્ડ્રોઈડ ઓટો અને એપલ કાર પ્લે સાથે 10.4 ઈંચ ટચસ્ક્રીન ઈન્ફોટનમેન્ટ સિસ્ટમ, ઈન્ફિનિટી ઓડિયો સિસ્ટમ અને પેનોરમિક સનરુફ જેવી ફીચર મળશે. હેક્ટર પ્લસ પણ એમજીની i-સ્માર્ટ કનેક્ટેડ કાર ટેકનોલોજીની સાથે આવશે, જેમાં જિયોફેસિંગ, ફાઈન્ડ માય કાર, રિમોટ વ્હીકલ કન્ટ્રોલ અને વોઈસ આસિસ્ટ જેવા 55થી વધુ ફીચર્સ મળશે.
સેફ્ટી ફીચર્સ અને કલર ઓપ્શન
સેફ્ટી માટે હેક્ટર પ્લસમાં 6-એરબેગ્સ, એબીએસ, ઈબીડી, બ્રેક આસિસ્ટ, ટ્રેક્શન કન્ટ્રોલ, ટાયર પ્રેશર મોનિટરિંગ સિસ્ટમ, હિલ-હોલ્ડ આસિસ્ટ, 360 ડિગ્રી પાર્કિંગ કેમેરા અને ફ્રન્ટ અને રિયર પાર્કિંગ સેન્સર્સ જેવા ફીચર મળશે. કલર ઓપ્શનની વાત કરીએ તો આ એસયુવીમાં કલરના 6 વિકલ્પ છે. તેમાં સ્ટારી સ્કાય બ્લૂ, ગ્લેજ રેડ, બરગંડી રેડ, સ્ટારી બ્લેક, કેન્ડી વાઈટ અને ઓરોરા સિલ્વર સામેલ છે.
આ કાર સાથે ટક્કર
એમજી હેક્ટર પ્લસની માર્કેટમાં મહિન્દ્રા XUV500 અને ટાટાની આવનારી ગ્રેવિટાસ એસયુવી સાથે થશે. ઓછી પ્રારંભિક કિંમત અને લાંબી વોરંટી આપીને એમજી પોતાની આ નવી એસયુવીથી ટોયોટા ઈનોવાને પણ ટક્કર આપવા માંગેછે. ઉપરાંત હેક્ટર પ્લસનો મુકાબલો હ્યૂન્ડાઈની આવનારી 7 સીટર ક્રેટા સાથે પણ થશે.