MG Hector SUVના દિવાનાઓ માટે ખુશખબરી છે. એમજી મોટર ઇન્ડિયા પોતાના એસયૂવી હેક્ટરનું બુકિંગ આજથી ફરી શરૂ કરી દીધું છે. કંપની પ્રમાણે સીમિત સમય માટે ફરીથી બુકિંગ શરૂ કરવામાં આવ્યું છે.
નવરાત્રીના તહેવાર પર MG Hectorનું ફરીથી બુકિંગ શરૂ
ઇન્ટરનેટ કાર હોવાને કારણે એમાં 100 થી વધારે કનેક્ટિવિટી ફીચર્સ આપવામાં આવ્યા છે
એમજી હેક્ટર ત્રણ એન્જીન વિકલ્પમાં આવે છે
વાસ્તવમાં જો તમે MG હેક્ચરની રાહ જોઇ રહ્યા હતા તો આજે જ ફટાફટ બુકિંગ કરાવી લો, કંપનીએ નવરાત્રીના તહેવાર પર ફરીથી બુકિંગ શરૂ કરી દીધું છે. વધતી ડિમાન્ડને જોતા કંપની હાલ પ્રોડક્શન વધારવા પર ફોકસ કરી રહી છે.
વાસ્તવમાં 27 જૂને લૉન્ચ થયેલી આ SUVના 6 સપ્તાહમાં 28000 થી વધારે બુકિંગ થઇ ગયું, જેના કારણે કાર કંપનીને બુકિંગ બંધ કરવું પડ્યું અને ઉત્પાદન વધારવું પડ્યું હતું.
કંપનીની વેબસાઇટ અને ડીલરશિપ પર 50 હજાર રૂપિયામાં હેક્ટરનું બુકિંગ કરવામાં આવી શકે છે. જો કે એમજી મોટર ઇન્ડિયાએ બુકિંગ શરૂ કરવાની સાથે જ હેક્ટરની કિંમતમાં 2.5 ટકા સુધીનો વધારો કરી દીધો છે.
MG Hectorની શરૂઆતની કિંમત 12.18 લાખ રૂપિયા હતી, જેને હવે વધારીને 12.48 લાખ રૂપિયા કરી દેવામાં આવી છે. એટલે કે 29 સપ્ટેમ્બરે જે ગ્રાહક એને બુક કરશે, એને ઓછામાં ઓછા 30,000 રૂપિયા વધારે ચુકવવા પડશે.
હાલના સમયમાં વાહનનું વેટિંગ લગભગ 3 થી 4 મહિના થઇ ગયું છે અને આ વેરિયન્ટ, ટ્રાન્સમિશન અને રંગની પસંદ પર નિર્ભર કરે છે. મજાની વાત એ છે કે ઑટો સેક્ટરમાં ચાલુ મંદી છતા કંપનીએ ગુજરાતમાં સ્થિત પોતાના પ્લાન્ટમાં હેક્ટરના પ્રોડક્શનને વધારીને 3000 યૂનિટ કરી દીધું છે.
ફીચર્સ
ઇન્ટરનેટ કાર હોવાને કારણે એમાં 100 થી વધારે કનેક્ટિવિટી ફીચર્સ આપવામાં આવ્યા છે. એના માટે કંપનીએ ઘણી દિગ્ગજ ટેક કંપનીઓ સાથે ભાગીદારી કરી છે. હેક્ટરમાં 10.4 ઇંચની આઇસ્માર્ટ ટચસ્ક્રીન ઇન્ફોટેનમેન્ટ સિસ્ટમ છે, જેમા વૉયસ આસિસ્ટેન્ટ, એન્ડ્રોઇડ ઑટો અને એપલ કારપ્લે સહિત અન્ય કાર કનેક્ટેડ ફીચર્સ મળે છે. એસયૂવીના ટૉપ વેરિયન્ટમાં 360 ડિગ્રી કેમેરા, પેનોરમિક સનરૂપ, હીટેડ આઉટસાઇડ રિયર વ્યૂ મિરર્સ, રેન સેસિંગ વાઇપર્સ, ઑટોમેટિક હેડલાઇટ્સ અને 9 કલર ઇન્ટીરિયર મૂડ લાઇટિંગ જેવા ફીચર્સ છે.
એન્જીન
એમજી હેક્ટર ત્રણ એન્જીન વિકલ્પમાં આવે છે. MG Hector મેકેનિકલની વાત કરીએ તો એમાં 1.5 લીટર ટર્બોચાર્જ્ડ પેટ્રોલ એન્જીન મળશે, જે 143 PS નું પાવર અને 250NM ટાર્ક જનરેટ કરે છે. આ મોટરની સાથે 6 સ્પીડ મેનુઅલ ગિયરબૉક્સ અને 6 સ્પીડ DCTનો વિકલ્પ મળશે.
ડીઝલ એન્જીન માટે અહીંયા 2.0 લીટર ટર્બોચાર્જ્ડ ડીઝલ મોટર મળશે. આ યૂનિટ 170 PS નો પાવર અને 350 Nm નો પિક ટાર્ક પેદા કરે છે. અહીંયા ટ્રાન્સમિશન માટે 6 સ્પીડ મેનુઅલ ગિયરબોક્સનો વિકલ્પ મળશે. પેટ્રોલ પાવરટ્રેનમાં 48V હાઇબ્રિડ સિસ્ટમનો પણ વિકલ્પ મળશે, જે 48Volt લિથિયમ આયન બેટરીની સાથે આવશે. હાઇબ્રિડ વિકલ્પમાં સારી માઇવલેજ મળશે અને આ CO2 એમિશન રિડ્યૂસ કરશે. એમાં પણ 6 સ્પીડ મેનુઅલ ગિયરબૉક્સની સાથે આવશે.