ઓટો ન્યૂઝ / આ શાનદાર કારને નથી નડ્યો કોરોના, જાણો ક્યારે થશે ભારતમાં લોન્ચ

ઓટોકારની એક રિપોર્ટ અનુસાર, એમજી ગ્લોસ્ટરના લોન્ચિંગમાં કોઈ ફેરફાર કરવામાં આવ્યો નથી. કોરોના મહામારીને કારણે, ઘણી ઓટોમોબાઈલ કંપનીઓએ તેમના ન્યૂ લોન્ચિંગ ટાળી દીધા છે, જ્યારે એમજીએ કન્ફર્મ કર્યું કે ગ્લોસ્ટર ભારતમાં નિર્ધારિત સમયે એટલે કે દિવાળી પહેલાં ફેસ્ટિવલ સીઝનમાં લોન્ચ કરવા્માં આવશે. 

આ કારો સાથે થશે ટક્કર

ગ્લોસ્ટર ત્રણ લાઇન સીટવાળી ફુલ સાઈઝ એસયુવી છે. ભારતીય બજારમાં, તે ટોયોટા ફોર્ચ્યુનર, ફોર્ડ એન્ડેવર અને મહિન્દ્રા અલ્ટુરસ જેવી એસયુવીને ટક્કર આપશે.

કારનું ઇન્ટિરિયર પ્રીમિયમ છે

ગ્લોસ્ટરનું ઇન્ટિરિયર ઘણું જ પ્રીમિયમ હશે. તેમાં લેધર સીટ્સ મળશે. કેબીનમાં પ્રીમિયમ અને સોફ્ટ-ટચ મટિરિયલ્સનો વધુ ઉપયોગ જોવા મળશે. એસયુવીમાં એમ્બિયન્ટ લાઇટિંગ, 3-ઝોન ઓટોમેટિક એસી, 8 ઇંચની મલ્ટી-ઇન્ફર્મેશન ક્લસ્ટર ડિસ્પ્લે, કનેક્ટેડ કાર ટેકનોલોજી, પેનોરેમિક સનરૂફ અને 12.3 ઇંચની ટચસ્ક્રીન ઇન્ફોટેનમેન્ટ સિસ્ટમ જેવી સુવિધાઓ મળશે. એમજી તેની આ પ્રીમિયમ એસયુવીની સાથે ગ્રાહકોનેપર્સનલાઈઝેનના ઘણાં વિકલ્પો પણ આપશે.

6 સીટર હેક્ટરની પણ જોવાઈ રહી છે રાહ

કંપની ભારતમાં હેક્ટરનું 6 સીટર વર્ઝન પણ લોન્ચ કરવાની તૈયારી કરી રહી છે. હાલ 5 સીટર એસયૂવી જ લોન્ચ કરાઈ છે. તે 4 વેરિઅન્ટ- સુપર, સ્માર્ટ અને શાર્પમાં ઉપલબ્ધ છે. આમાં સ્ટાઇલ હેક્ટરનો બેઝ વેરિયન્ટ સામેલ છે, જ્યારે શાર્પ ટોપ વેરિયન્ટ છે. એસયુવીના આગળના ભાગમાં આકર્ષક ક્રોમની આજુબાજુ એક બ્લેક ગ્રિલ લગાવવામાં આવી છે, જે તેનો લુકને શાનદાર બનાવે છે. તેનો આગળનો ભાગ ફરીથી ડિઝાઇન કરવામાં આવ્યો છે. હેક્ટરના હેડલેમ્પ્સ બમ્પરમાં લાગેલા છે અને ડેટાઇમ રનિંગ લાઇટ્સ (ડીઆરએલ) ઉપર મૂકવામાં આવ્યા છે. આનો રિયર અને સાઈડ લુક ખૂબ જ શાનદાર છે.