મ્યુચઅલ ફંડ ટ્રાન્ઝેક્શન એગ્રીગેશન પોર્ટલ એમએએફ યુટિલિટી 31 માર્ચ 2022થી ફિઝિકલ ઈન્સ્ટ્રૂમેન્ટ દ્વારા પેમેન્ટ સુવિધા બંધ કરવામાં આવી રહી છે.
મ્યુચ્યુઅલ ફંડ રોકાણકારો માટે મોટી ખબર
પેમેન્ટના નિયમોમાં થયા આ ફેરફાર
સિસ્ટમમાં સુધાર માટે લેવામાં આવ્યો નિર્ણય
મ્યુચ્યુઅલ ફંડ રોકાણકારો માટે મહત્વના સમાચાર છે. આ મામલો મ્યુચ્યુઅલ ફંડ પેમેન્ટ સાથે સંબંધિત છે. હકીકતે મ્યુચ્યુઅલ ફંડ ટ્રાન્ઝેક્શન એગ્રીગેશન પોર્ટલ MF યુટિલિટીઝ (MFU) 31 માર્ચ 2022 થી ભૌતિક સાધનો દ્વારા ચૂકવણીની સુવિધા બંધ કરવા જઈ રહ્યું છે. એટલે કે, હવે મ્યુચ્યુઅલ ફંડ રોકાણકારો ચેક દ્વારા ચુકવણી કરી શકશે નહીં (MF Utility To Discontinue Cheques).
ચેક પેમેન્ટ
હકીકતે ફિઝિકલ ઈન્સ્ટ્રૂમેન્ટમાં ચેક, ડિમાન્ડ ડ્રાફ્ટ, ટ્રાન્સફર લેટર્સ, બેંકર્સ ચેક, પે ઓર્ડર્સનો સમાવેશ થાય છે. જેના દ્વારા તમે મ્યુચ્યુઅલ ફંડમાં રોકાણ માટે ચૂકવણી કરી શકો છો. પરંતુ 31 માર્ચથી MF યુટિલિટીઝ આ માધ્યમોથી પેમેન્ટ કરશે નહીં. જો તમે પણ MF યુટિલિટીઝમાંથી મ્યુચ્યુઅલ ફંડમાં પણ રોકાણ કરો છો. તો 1 એપ્રિલ, 2022થી તમારે ચુકવણી માટે કોઈ અન્ય માધ્યમનો ઉપયોગ કરવો પડશે.
સિસ્ટમમાં સુધાર માટે લેવામાં આવ્યો નિર્ણય
એમએફ યુટિલિટીઝના એમડી અને સીઈઓ ગણેશ રામે જણાવ્યું કે બજાર નિયામક સેબીના નિયમો અનુસાર, ચેક દ્વારા પેમેન્ટ ફક્ત ક્લિયરિંગ કોરપોરેશન અથવા એસેટ મેનેજમેન્ટ કંપની જ સ્વીકાર કરી શકે છે. એપ્રિલ 2022થી તેમના પ્લેટફોર્મ પર ઈ-કલેક્શન પેમેન્ટ મોડ એટલે એનઈએફસી/ આરટીજીએસ/ આઈએમપીએસ દ્વારા પેમેન્ટની સુવિધા નહી થાય. એટલે આ માધ્યમો દ્વારા તમે એક એપ્રિલ 2022થી પેમેન્ટ નહીં કરી શકો. એમએફ યુટિલિટીઝે જણાવ્યું છે કે સિસ્ટમમાં સુધારના કારણે આ નિર્ણય કર્યો છે.
નેટ બેન્કિંગ અને યુપીઆઈ પર અસર નહીં
એમએફ યુટિલિટીઝે જણાવ્યું કે રોકાણકારો માટે ધ્યાન આપવાની વાત એ છે કે સિસ્ટમ અપડેટનું PayEezz, નેટ બેન્કિંગ અને યુપીઆઈ દ્વારા પેમેન્ટ પર તેની કોઈ અસર નહી થાય. એટલે કે આ માધ્યમથી તમે સરળતાથી પેમેન્ટ કરી શકો છો.