મેક્સિકોમાં શનિવારે તેલ અને ગેસની પાઈપલાઈનમાં વિસ્ફોટ સાથે ભીષણ આગ લાગી હતી. આ ઘટનામાં 66 લોકોના ઘટના સ્થળે મોત નિપજ્યા. 73 લોકો ઈજાગ્રસ્ત થયા હતા. જ્યારે 85 લોકો લાપતા છે. આ ઘટના નોર્થ મેક્સિકોના હિડાલ્ગોમા બની છે.
મળતી માહિતી મુજબ સ્થાનિક લોકો પાઈપલાઈનમાંથી તેલ ચોરી રહ્યા હતા. આ દરમિયાન લીકેજ થતા દોડધામ મચી હતી. આ દરમિયાન વિસ્ફોટ થયો હતો. ત્યારે એકાએક આગ લાગી હતી.
આ ઘટનાની જાણ થતા ફાયર વિભાગના અધિકારીઓ ઘટનાસ્થળે દોડી આવ્યા હતા. આ ઘટના મેક્સિકોમાં 9 વર્ષની સૌથી મોટી તેલ દુર્ઘટના છે. આ પહેલા 2010માં પાઈપલાઈનમાં વિસ્ફોટથી 28 લોકોના મોત થયા હતા.
આ ઘટનાના સીસીટીવી ફૂટેજ હાથે લાગ્યા હતા. જેમાં લોકો ગંભીર રીતે આગથી દાઝ્યા હોવાનું માલૂમ પડતુ હતું. આ સાથે જ કેટલીક લાશો પણ ઘટના સ્થળે પડી હોવાનું સ્પષ્ટ દેખાઇ આવતું હતું. હિડાલગોના ગવર્નર ઉમર ફયાદે મીડિયા સાથે વાતચીત કરતા જણાવ્યું કે વિસ્ફોટ બાદ આગ વધુ ભયાનક બની હતી.
જેમાં મોટી સંખ્યામાં લોકો ઇજાગ્રસ્ત થયાં હતા તો વળી કેટલાક લોકોના મોત પણ થયાં હતા. વધુમાં તેમણે જણાવેલ કે આવી જ એક ઘટના 9 વર્ષ પહેલા 2010માં બની હતી જેમાં પાઇપલાઇન વિસ્ફોટ થતાં 28 લોકોના મોત થયાં હતા.