મુશ્કેલી / આ શહેરમાં વધુ 1 વર્ષ ટ્રાફીકની સમસ્યા નડશે, કોરોનાને કારણે પાછો ધકેલાયો આ મોટો પ્રોજેક્ટ

• સુરતમાં મેટ્રોનો પ્રોજેક્ટ પાછો ધકેલાયો 
• કોરોનાને કારણે પ્રોજેક્ટ પાછો ધકેલાયો 
• 2024ના બદલે 2025માં પૂરો થશે પ્રોજેક્ટ 

સુરતમાં છેલ્લા કેટલાય સમયથી મેટ્રોનું કામ ચાલી રહ્યું છે. જેના કારણે ટ્રાફિકની સમસ્યા સર્જાય છે અને લોકોને ભારે હાલાંકીનો સામનો કરવો પડે છે. જોકે અમુક લોકો એવા પણ છે કે જેઓ મેટ્રો શરૂ થવાની રાહ જોઈ રહ્યા છે. જોકે આ મામલે તેમણે એક વર્ષ હજુ રાહ જોવી પડશે કારણકે અહીયા મેટ્રોનો પ્રોજ્ક્ટ પાછો ધકેલાયો છે. 

2024માં પ્રોજેક્ટ પૂરો થવાનો હતો 

આપને જણાની દઈએ કે કોરોના મહામારીને કારણે મેટ્રો પ્રોજેક્ટ પર તેની ગંભીર અસર પડી છે. 2024માંજ આ પ્રોજેક્ટ પૂરો કરવા માટેનો પ્લાન હતો. પરંતુ કોરોના મહામારીને કારણે છેલ્લા 1 વર્ષમાં ઘણી અડચણો આવી. જેને લઈને આ પ્રોજેક્ટ પાછળ ધકેલાયો છે. 

2025માં પૂર્ણ થાય તેવી શક્યતા 

2024માં આ પ્રોજેક્ટને પૂર્ણ કરવાનો પાલિકાનો પ્લાન હતો. પરંતુ કોરોનાને કારણે કર્મચારીઓની અછત અને પેમેન્ટને લઈને ઘણી સમસ્યા સર્જાઈ હતી. જેના કારણે આ પ્રોજેક્ટને પાછળ ધકેલવામાં આવ્યો છે. હવે મેટ્રોનો આ પ્રોજેક્ટ 2025ની શરૂઆતમાં પૂર્ણ થાય તેવી શક્યતા સેવાઈ રહી છે. પરંતુ હજુ સુધી કોઈ ચોક્કસ માહિતી સામે નથી આવી. 

અમદાવાદમાં પણ મેટ્રોને કારણે ટ્રાફિકની સમસ્યા 

ઉલ્લેખનીય છે કે બીજી તરફ અમદાવાદમાં પણ મેટ્રો પ્રોજેક્ટનું કામ જોરશોરથી ચાલી રહ્યું છે. જેના કારણે રોડ રસ્તા પર ભારે ટ્રાફીક જામ થઈ જતો હોય છે. પરિણામે અહીયા પણ વાહનચાલકોને ભારે હાલાંકીનો સામનો કરવો પડે છે.