શિયાળામાં વાળ સંબંધી સમસ્યા વધી જાય છે. એવામાં વાળની એકસ્ટ્રા કેર ન કરવામાં આવે તો વાળ વધુ પ્રમાણમાં ખરવા લાગે છે, રૂક્ષ બને છે અને ડેન્ડ્રફ પણ વધી જાય છે. જેથી આજે અમે તમને મેથી દાણાના એવા બે ઉપાય જણાવીશું, જે તમારા વાળને મજબૂત અને હેલ્ધી બનાવશે, સાથે જ નેચરલી કાળા પણ કરશે. ચાલો જાણી લો.
ઔષધીય ગુણોથી વાળની રાખો સંભાળ
આ ઉપાય વાળને ખરતાં રોકશે
વાળ માટે બેસ્ટ છે આ વસ્તુ
આ રીતે વાળમાં મેથીનો ઉપયોગ કરો
આયુર્વેદમાં મેથીની તાસીર ગરમ માનવામાં આવે છે. જેથી ડાયરેક્ટ મેથીનો પાઉડર વાળમાં લગાવવાથી વાળને નુકસાન થાય છે. મેથી હમેશાં રાતે પલાળી સવારે જ વાળમાં ઉપયોગ કરવો.
લીંબુ અને મેથી દાણાનો ઉપાય
સૌથી પહેલાં 2 ચમચી આખી રાત પલાળેલા મેથી દાણા લઈને તેની પેસ્ટ બનાવો. હવે તેમાં એક ચમચી લીંબુનો રસ અને કોકોનટ મિલ્ક મિક્સ કરી આ પેસ્ટ વાળના મૂળમાં 20 મિનિટ લગાવી રાખો. ત્યારબાદ વાળમાં શેમ્પૂ કરી લો.
નારિયેળ તેલ અને મેથી
આ ઉપાયથી ખરતાં વાળની સમસ્યા જલ્દી દૂર થશે. તેમાં માટે સૌથી પહેલાં 3-4 ચમચી આખી રાત પલાળેલા મેથી દાણા લઈને તેની પેસ્ટ બનાવો. હવે તેમાં 2 ચમચી નારિયેળ તેલ મિક્સ કરીને આ પેસ્ટ વાળના મૂળમાં 30 મિનિટ લગાવી રાખો. ત્યારબાદ વાળમાં શેમ્પૂ કરી લો.