આગામી પાંચ દિવસ વરસાદ ગુજરાતને ઘમરોળશે. દ. ગુજરાતમાં ડાંગ, વલસાડ, ભરૂચ, દમણ અને દાદાનગર હવેલીમાં ભારેથી અતિભારે વરસાદની આગાહી છે જ્યારે ઉત્તર ગુજરાતમાં ગાંધીનગર જિલ્લો વરસાદને નિશાને છે. સૌરાષ્ટ્રના કેટલાક જિલ્લાઓ અને કચ્છમાં પણ છુટો છવાયો વરસાદ રહેશે.
અરબી સમુદ્રનું તોફાન વરસાદ માટે જવાબદાર
દ. ગુજરાત અને મધ્ય ગુજરાતને વરસાદ ઘમરોળશે
સૌરાષ્ટમાં પણ છુટો છવાયો વરસાદ થવાની આગાહી
કેમ ચોમાસુ વિદાય ટાણે બમણા જોરથી વરસી રહ્યુ છે
પૂર્ અરબી સમુદ્રમાં સર્જાયેલ દબાણને કારણે 7.6 કિમીની ઝડપનું દરિયાઈ વાવાઝોડુ ઉભુ થયુ છે જે દ. મહારાષ્ટ્ર તરફથી દ. ગુજરાત તરફ આગળ વધી રહ્યુ છે જેને લીધે આગામી પાંચ દિવસ દ. ગુજરાત અને ઉત્તર ગુજરાતમાં ભારેથી અતિભારે વરસાદ રહેશે.
કયા દિવસે કેવો રહેશો વરસાદ
પહોલો દિવસ
દ. ગુજરાતમાં સુરત, નવસારી, વલસાડ, દમણ અને દાદારા નગર હવેલી, માં ભારેથી અતિભારે વરસાદની સંભાવના છે જ્યારે દાહોદ, છોટા ઉદેપુર, ડાંગ, નર્મદા, તાપી જિલ્લાઓને વરસાદ ઘમરોળશે. સૌરાષ્ટ્રમાં અમરેલી અને ભાવનગરમાં મૂશળધાર વરસાદ આવશે.
બીજો દિવસ
આણંદ, ભરૂચમાં મૂશળધાર વરસાદ થશે જેમાં પંચમહાલ, દાહોદ, વડોદરા, સુરત, નવસારી જિલ્લામાં ભારે વરસાદ થશે જ્યારે સૌરાષ્ટ્રના અમરેલી, ભાવનગર અને ગીર-સોમનાથ જિલ્લામાં સાંબેલાધાર વરસાદ થવાની આગાહી છે.
ત્રીજો દિવસ
ઉત્તર ગુજરાતના અરવલ્લી, પંચમહાલ, દાહોદ અને મહિસાગરમાં વરસાદ મન મૂકીને વરસશે. જ્યારે આણંદ, વડોદરા, ભરૂચ, નવસારી, વલસાડ, દમણ અને દાદારાનગર હવેલીમાં ભારેથી અતિભારે વરસાદ થશે. સૌરાષ્ટ્રમાં અમરેલી, ભાવનગર અને ગીર-સોમનાથમાં વરસાદ માઝા મૂકશે.
ચોથો દિવસ
ચોથા દિવસે વરસાદનું જોર ઘટી શકે છે. આખા ગુજરાતમાં નહીં પરંતુ માત્ર દ. ગુજરાતના છોટા ઉદેપુર, નવસારી, વલસાજડઅને દમણ દાદારા નગર હવેલી જિલ્લામાં ભારે વરસાદ રહેશે.
પાંચમા દિવસે
ઉત્તર ગુજરાત કે મધ્ય ગુજરાતમાં વરસાદ વિરમી જશે પણ દ. ગુજરાતમાં નવસારી, વલસાડ અને દમણ દાદરા નગર હવેલી જિલ્લામાં ભારેથી અતિભારે વરસાદ રહેશે. સૌરાષ્ટ્ર પંથકમાં પણ વરસાદનું જોર ઘટશે.