રાહતની ખબર / ગુજરાતીઓને ક્યારે મળશે ગરમીથી રાહત, ક્યારે આવશે ચોમાસું? જાણો શું કહી રહ્યાં છે હવામાન નિષ્ણાંત પરેશ ગોસ્વામી

રાજ્યમાં તાપમાનને લઈને રાહતના સમાચાર છે.. રાજ્યમાં 2 દિવસ બાદ ગરમીમાં રાહત મળશે. હવામાન નિષ્ણાંત પરેશ ગોસ્વામીએ 2 દિવસ બાદ ગરમીમાં રાહત મળવાની આગાહી કરી છે. જો કે હજુ આવતીકાલે અને પરમ દિવસે એટલે કે 24 મે અને 25 મે તાપમાન ઉંચુ રહેશે તેવું પણ તેમણે જણાવ્યું..

26થી ગરમીમાં થોડી રાહત મળશે

તેમણે કહ્યું કે 26થી ગરમીમાં થોડી રાહત મળશે. પરેશ ગોસ્વામીએ કહ્યું કે 26 થી 30 મે દરમ્યાન તાપમાનમાં 4 થી 5 ડિગ્રીનો ઘટાડો જોવા મળશે. આ સાથે તેમણે ચોમાસું ઝડપથી આગળ વધી રહ્યું હોવાનું પણ જણાવ્યું

ગરમીથી બચવા એટલું અવશ્ય કરો

તરસ ન લાગે તો પણ જ્યારે પણ શક્ય હોય ત્યારે પૂરતું પાણી પીવા જોઈએ. આ સાથે, નાગરિકોને ઓરલ રીહાઇડ્રેશન સોલ્યુશન (ઓઆરએસ)નો ઉપયોગ કરવું અને લીંબુ શરબત, છાશ / લસ્સી, ફળોના રસ સાથે મિશ્રિત થોડું મીઠું જેવા ઘરે બનાવેલા પીણાં પીવા જોઈએ. પાતળા, ઢીલા, સુતરાઉ કપડાં, આછા રંગના કપડાં પહેરવાની અને સીધા સૂર્યપ્રકાશના સંપર્કમાં આવે ત્યારે છત્રીઓ, ટોપીઓ ટુવાલ અને અન્ય પરંપરાગત માથાના આવરણનો ઉપયોગ કરવું. હવામાનના સમાચારો માટે ટીવી જોતા રહેવું.

આ રીતે કરો 'હીટવેવ'થી પોતાનો બચાવ

1. ભીષણ ગરમી દરમિયાન વધુ પડતા પ્રોટીન યુક્ત ખોરાક ખાવાનું અને રાંધવાનું ટાળવું જોઈએ.
2. ગરમીમાં ખાસ કરીને બપોરે 12 થી 3 વાગ્યા વચ્ચે ઘરેથી બહાર જવાનું ટાળો.
3. ભલે તમને તરસ ન લાગી હો તો પણ પર્યાપ્ત માત્રામાં પાણી પીવાનું ભૂલશો નહીં.

4 ગરમીમાં ડિહાઈડ્રેશનથી બચવા માટે લીંબુ પાણી, દહી, લસ્સી, છાસ સાથે-સાથે ફળોના જ્યૂસ પ

1. તાજા ફળો જેમ કે કાકડી, તરબૂચ, લીંબુ, નારંગીનું સેવન કરો.
2. હળવા રંગના પાતળા અને ઢીલા સુતરાઉ કપડાં પહેરો.
3. બહાર ખુલ્લા પગે જવાનું ટાળો. બહાર જતી વખતે કે ખુલ્લા તડકામાં જતી વખતે છત્રી, ટોપી, ટુવાલ અથવા કોઈપણ વસ્તુથી તમારા માથાને ઢાંકવાનું રાખો.

આ પણ વાંચોઃ બાપ રે! અમદાવાદમાં નોંધાયું 46.6 ડિગ્રી રેકોર્ડબ્રેક તાપમાન, અંગ દઝાડતી ગરમીમાં શેકાયું ગુજરાત

1. હીટ સ્ટ્રેસના લક્ષણો પર વિશેષ ધ્યાન આપો, જેમ કે ચક્કર, બેભાન, ઉબકા કે ઉલટી, માથાનો દુખાવો, વધુ પડતી તરસ લાગવી, એકદમ પીળો પેશાબ, પેશાબ ઓછો થવો, શ્વાસ લેવાની ગતિ અને હ્રદયમાં ધબકારા વધવા.
2. બાળકો અને પાલતુ પ્રાણીઓને કારમાં એકલા છોડવાથી બચો, કારણ કે વાહનની અંદરનું તાપમાન વધી શકે છે જેનાથી ખતરનાક સ્થિતિ ઉત્પન્ન થવાની સંભાવના વધી શકે છે.
3. તડકામાં જતા પહેલા સનસ્ક્રીનનો ઉપયોગ કરવાનું રાખો અને નિયમિતપણે તેન લગાવતા રહો.