હવામાન નિષ્ણાંત આગાહી / આ વખતે ખેલૈયાઓની નવરાત્રી બગડી સમજો! પરેશ ગોસ્વામીએ કરી ગાજવીજ સાથેની આગાહી

હવામાન નિષ્ણાંત પરેશ ગોસ્વામીએ ફરી રાજ્યમાં વરસાદની આગાહી કરી છે. રાજ્યમાં હાલ વરસાદ વિરામ લેશે. તેમજ સપ્ટેમ્બર મહિનાનાં અંતમાં ફરી વરસાદનો નવો રાઉન્ડ શરૂ થશે. નવરાત્રી દરમ્યાન રાજ્યનાં કેટલાક જીલ્લામાં વરસાદની આગાહી કરવામાં આવી છે. તેમજ રાજ્યનાં કેટલાક વિસ્તારમાં ગાજવીજ સાથે વરસાદ પડી શકે છે. 1 થી 18 ઓક્ટોબર દરમ્યાન છુટા છવાયા વરસાદની સંભાવનાં વ્યક્ત કરવામાં આવી છે. તેમજ આ વર્ષે ચોમાસુ મોડું વિદાય લેશે.

બંગાળની ખાડીમાં સિસ્ટમ સક્રિય

હાલ બંગાળની ખાડીમાં બનેલી સિસ્ટમો ગુજરાત પરથી પસાર થઈ મધ્ય પ્રદેશ તરફથી ઉત્તર ભારત તરફ જઈ રહી છે. જેથી મહારાષ્ટ્ર અને મધ્ય પ્રદેશ બોર્ડર વિસ્તારમાં ભારેથી અતિભારે વરસાદી ઝાપટા પડી શકે છે. જ્યારે અમુક વિસ્તારમાં છૂટો છવાયો વરસાદ પડી શકે છે. જ્યારે સૌરાષ્ટ્રમાં બે-ત્રણ દિવસ સુધી સામાન્ય તેમજ મધ્યમ તેમજ છૂટાછવાયા વરસાદી ઝાપટા પડશે.

દરિયાકાંઠાનાં વિસ્તારોમાં પવન ફૂંકાશે

રાજ્યમાં 11 થી 15 સપ્ટેમ્બર દરમ્યાન પવનની ગતિમાં વધારોથશે. 18 થી 22 કિલોમીટર પ્રતિ કલાકની ઝડપે પવન ફૂંકાઈ શકે છે. તેમજ દરિયાકાંઠાનાં વિસ્તાર સૌરાષ્ટ્ર, કચ્છ અને દક્ષિણ ગુજરાતમાં પવન ફૂંકાઈ શકે છે.

વધુ વાંચોઃ આણંદ, ગોધરા અને ડાકોર જનારા મુસાફરો ખાસ વાંચી લેજો, તા. 11થી 30 સપ્ટેમ્બર સુધી આંશિક રીતે આ ટ્રેનો રદ રહેશે

તાપમાનનો પારો ઊંચકાશે

આગામી પાંચ દિવસ તાપમાનમાં પણ સામાન્ય વધાર થઈ શકે છે. તેમજ તા. 11 થી 15 સપ્ટેમ્બર દરમ્યાન તાપમાનનો પારો એક થી બે ડિગ્રીનો વધારો થઈ શકે છે. તાપમાનનો પારો વધવાનાં કારણે ઉકળાટ અને બફારો વધી શકે છે. જેથી લોકોને ઉનાળા જેવો અનુભવ થશે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ