અંબાલાલના વરતારા મુજબ વેસ્ટર્ન ડિસ્ટર્બન્સના કારણે ફરી વાતાવરણમાં પલટો આવશે, 6થી 11 જાન્યુઆરી સુધી કમોસમી વરસાદ રહેશે
રાજ્યમાં ફરી એકવાર માવઠાનું સંકટ
હવામાન નિષ્ણાંત અંબાલાલ પટેલનું અનુમાન
6થી 11 જાન્યુઆરી સુધી કમોસમી વરસાદ રહેશે
રાજ્યમાં ફરી એકવાર માવઠાનું સંકટ.હવામાન નિષ્ણાંત આંબાલાલ પટેલનું અનુમાન છે કે, 6થી 11 જાન્યુઆરી સુધી કમોસમી વરસાદ પડશે.જેમાં ખાસ કરીને કચ્છ, પશ્ચિમ સૌરાષ્ટ્રના વિસ્તારોમાં વરસાદી ઝાપટા પડશે. તેમજ 21 જાન્યુઆરી સુધીમાં હવામાનમાં ઘણા પલટા આવશે જેથી ઠંડી અને કમોસમી વરસાદની ગતિવિધિ ચાલુ રહેશે.
શું છે હવામાન વિભાગની આગાહી
ખેડૂતો માટે ફરી પાછા માઠા સમાચાર આવી રહ્યા છે. ઉત્તર ગુજરાત અને સૌરાષ્ટ્રમાં ફરી પાછુ માવઠુ થવાની આગાહી હવામાન વિભાગ દ્વારા કરવામાં આવી છે.વેસ્ટર્ન ડિસ્ટબન્સને કારણે માવઠાની અસર વર્તાઇ શકે છે. 05મી જાન્યુઆરીએ રાજ્યમાં વાદળછાયુ વાતાવરણ રહેશે. તેમજ ઉત્તર ગુજરાત અને સૌરાષ્ટ્રમાં વરસાદી ઝાપટા પડવાની સંભાવના છે.
વરસાદી સિસ્ટમ દૂર થતા જ ફરી અનુભવાશે ઠંડી
હવામાન વિભાગના સુત્રોના જણાવ્યા અનુસાર રાજ્યમાં આગામી 5મી જાન્યુઆરી બાદ વરસાદી સિસ્ટમ દૂર થતાંની સાથે જ રાજ્યમાં પુનઃ ઠંડીનું જોર વધશે. તો વળી બીજી બાજુ રવિવારે અમદાવાદમાં લધુત્તમ તપામાનનો પારો 16.2 ડિગ્રી નોધાયો હતો. જ્યારે ગાંધીનગરનું તાપમાન 15 ડિગ્રીએ પહોચ્યું હતું.