28 સપ્ટેમ્બર થી 1 ઓક્ટોબર સુધી ભારે વરસાદની આગાહી ખગોળશાસ્ત્રી અંબાલાલ પટેલ દ્વારા કરવામાં આવી છે.
ગુજરાતમાં વરસાદને લઇ અંબાલાલ પટેલની આગાહી
28 સપ્ટેમ્બર થી 1 ઓક્ટોબર સુધી ભારે વરસાદ પડશે
ગુલાબ વાવાઝોડાની અસર હેઠળ વરસાદ પડશે
એક તરફ ગુજરાત વરસાદને ઘમરોળી રહ્યું છે, ગુલાબી આફત ગુજરાત પર સંકટના વાદળ તરીકે ફરી રહી છે. ચોમાસાના અંતમાં ગુજરાતઆમાં સારો એવો વરસાદ વરસી રહ્યો છે. પણ હવેનો વરસાદ ખેડૂતો માટે આફતનો વરસાદ સાબિત થાય એમ છે. સપ્ટેમ્બરના પ્રથમ સપ્તાહ પછી સતત વરસી રહેલા વરસાદને કારણે ખેડૂતોના પાકને મોટું નુકસાન થવાની ભીતિ સેવાઇ રહી છે. ત્યારે ઓડિશા પર ત્રાટકેલા ગુલાબ વાવાઝોડાની અસર ગુજરાતમાં આજથી જ જોવા મળી રહી છે. હવામાન આગાહીના જાણકાર અંબાલાલ પટેલ દ્વારા ગુજરાતમાં વરસાદને લઈ મોટી આગાહી કરવામાં આવી છે.
ગુલાબ વાવાઝોડાની અસર હેઠળ વરસાદ પડશે:અંબાલાલ પટેલ
ગુજરાતમાં વરસાદને લઇ અંબાલાલ પટેલે મોટી આગાહી કરી છે. ગુજરાતમાં 28 સપ્ટેમ્બર થી 1 ઓક્ટોબર ભારે વરસાદ પડવાની સમભાવના છે. તેમાંય ખાસ કરીને
દક્ષિણ ગુજરાત અને દક્ષિણ સૌરાષ્ટ્રમાં વરસાદમ વરસાદ વધુ પાડવાની આગાહી કરવામાં આવી છે ઉત્તર ગુજરાતમાં 1 થી 4 ઇંચ જ્યારે સૌરાષ્ટ્ર, દ.ગુજરાતમાં 10 ઇંચ સુધી વરસાદ પડશે તેવુ અનુમાન લગાવાઈ રહ્યું છે.આ સાથે જ રાજ્યના ઉત્તર પૂર્વીય ભાગોમાં વરસાદ વધુ ત્રાટકશે તેવુ અંબાલાલ પટેલનું માનવું છે.
આ વિસ્તારમાં અતિભારેની આગાહી: અંબાલાલ પટેલ
પંચમહાલ, અરવલ્લી, સાબરકાંઠા
બનાસકાંઠા, મહેસાણા, કડી, પાટણ
પાટડી, દસાડા, હળવદ, લીમડી
આણંદ, વડોદરા, અમદાવાદ અને ગાંધીનગર
રાજ્યમાં આજથી 5 દિવસ અતિભારે વરસાદની આગાહી કરાઇ છે. સાઇક્લોનિક સર્ક્યુલેશનને લીધે ભારે વરસાદ પડશે. ગુલાબ વાવાઝોડું નબળું પડ્યું પરંતુ અસર યથાવત રહેશે. આજે ઉત્તર ગુજરાત અને મધ્ય ગુજરાતમાં વરસાદ પડશે. વડોદરા, ગાંધીનગર, અમદાવાદ, ખેડા સહિત ભારે વરસાદ રહેશે. જ્યારે નવસારી, સુરત, ભરૂચ, વલસાડમાં અતિભારે વરસાદની આગાહી કરાઇ છે. તો જામનગર, પોરબંદર, ગીરસોમનાથ સહિત અતિભારે વરસાદ પડી શકે છે.