રાજ્યમાં વરસાદી સિસ્યમ સક્રીય થતા પરંપરાગત હવામાન જાણકાર અંબાલાલ પટેલે 7 દિવસ છુટા છવાયા વરસાદની આગાહી કરી છે. અંબાલાલ પટેલની આગાહી અનુસાર રાજ્યના કેટલાક ભાગોમાં 5 ઈંચથી વધુ વરસાદ થશે.
રાજ્યમાં વરસાદી સિસ્યમ સક્રીય થતા હવામાન નિષ્ણાંત અંબાલાલ પટેલે આગાહી કરી છે. આગામી 23થી 31 ઓગસ્ટ સુધી વરસાદની અંબાલાલ પટેલે આગાહી કરી છે. ઉત્તર ગુજરાત, મધ્ય ગુજરાત અને દક્ષિણ ગુજરાતમાં વરસાદની આગાહી કરાઈ છે. જ્યારે નવસારી, બારડોલી, વડોદરા, સાપુતારા, રાજપીપળા અને ભરૂચમાં ભારે વરસાદની આગાહી કરી છે. જ્યારે અમદાવાદ, ગાંધીનગર, વડોદરા, સુરતમા હળવા વરસાદની આગાહી અંબાલાલ પટેલે કરી છે.
જ્યારે જામનગર જિલ્લામાં વરસાદી માહોલ યથાવત્ છે. જિલ્લામાં છેલ્લા 24 કલાકમાં કાલાવડ તાલુકા અને ગ્રામ્ય વિસ્તારમાં 2 ઈંચ વરસાદ વરસ્યો છે. જ્યારે જિલ્લાના અન્ય વિસ્તારોમાં પાણ વરસાદી ઝાપટા પડ્યા છે.
તો તાપીમાં વિરામ બાદ ફરી એકવાર વરસાદનું આગમન થયું છે. વહેલી સવારથી તાપીના વડા મથક, વ્યાર સહિતના વિસ્તારમાં મેધરાજાનું આગમન થયું છે. ફરીવાર વરસાદનું આગમન થતા લોકોને ગરમીથી રાહત મળી છે..તો ખેડૂતોના પાકને જીવત દાન મળ્યું છે.