ઠંડીનો નવો રાઉન્ડ / ગુજરાતીઓ ચેતજો! 24 જ કલાકમાં ઠંડી વધવાની આગાહી, પવનના સૂસવાટામાં થીજાઈ જશો

• રાજ્યમાં ઠંડીને લઈને હવામાન વિભાગની આગાહી
• 24 કલાક બાદ રાજ્યમાં શરૂ થઈ શકે છે ઠંડીનો નવો રાઉન્ડ
• ગુજરાતમાં 24 કલાક બાદ  2થી 4 ડિગ્રી ઘટી શકે છે તાપમાન  

ગુજરાતના લોકોને છેલ્લા ચાર-પાંચ દિવસથી કાંતિલ ઠંડીના મોજાંએ ધ્રુજાવી દીધા હતા. સૌરાષ્ટ્ર અને કચ્છના છુટાછવાયા વિસ્તારોમાં તો કોલ્ડવેવ ફરી વળ્યું હતું. કાતિલ ઠંડીનું જોર આજે અમુક અંશે હળવું થયું છે. જોકે, રાજ્યમાં ઠંડીને લઈને હવામાન વિભાગે આગાહી કરી છે. હવામાન વિભાગના જણાવ્યા અનુસાર, રાજ્યમાં 24 કલાક બાદ ઠંડી વધી શકે છે. 

પવનની દિશા બદલાવવાના કારણે વધી શકે છે ઠંડી
હવામાન વિભાગ ડાયરેક્ટર મનોરમા મોહંતિએ જણાવ્યું છે કે, રાજ્યમાં 24 કલાક બાદ ઠંડી વધી શકે છે. ગુજરાતમાં આગામી 24 કલાક બાદ તાપમાનમાં 2થી 4 ડિગ્રી ઘટી શકે છે.
હાલમાં રાત્રીનું તાપમાન સામાન્ય છે અને રાજ્યમાં સોથી ઓછુ તાપમાન ગાંધીનગરમાં 9.7 નોધાયું છે. અમદાવાદમાં 11.7 અને નલિયામાં 11.6 ડિગ્રી તાપમાન નોધાયું છે. આગામી 24 કલાક બાદ પવનની દિશા પણ બદલાશે. પવનની દિશા બદલાવવાના કારણે ઠંડી વધી શકે છે. હાલમાં રાજ્યમાં 10થી 15 કિલોમીટર પ્રતિ કલાક પવન ફૂકાંઇ રહ્યો છે.

ઠંડીએ પાટનગરવાસીઓને થથરાવ્યા
આપને જણાવી દઈએ કે, આજે ઠંડીએ પાટનગરવાસીઓને થથરાવ્યા હતા. ગાંધીનગરમાં ઠંડીનો પારો 10 ડિગ્રીથી નીચે ગગડીને 9.7  ડિગ્રીએ જઈને અટકતા રાજ્યનું સૌથી ઠંડુંગાર શહેર બન્યું હતું. અમદાવાદમાં આજે ઠંડા પવનોનું જોર હતું. સવારથી ઠંડા પવનો ફૂંકાતા લોકોને આજે પણ ઠંડીનો અહેસાસ થયો હતો. જોકે, 11.7 ડિગ્રી તાપમાનના કારણે લોકોએ હાડ થીજાવતી ઠંડી અનુભવી નહોતી.

બાળકો સ્વેટર, ટોપીથી જોવા મળ્યા હતા સજ્જ
આજે સવારે શાળાએ જનારા બાળકો સ્વેટર, ટોપી, મફલર, સ્ટાર્ફ અને જેકેટથી સજ્જ જોવા મળ્યા હતા. હવે અનેક શાળાઓએ કાતિલ ઠંડીને કારણે પોતાના સ્વેટરનો આગ્રહ છોડ્યો હોવાથી આજે બાળકોએ ઘરેથી અન્ય ગરમ વસ્ત્રો પહેરીને ઠંડી સામે રક્ષણ મેળવ્યું હતું. 

જુઓ કયા શહેરમાં કેટલું નોંધાયું તાપમાન
ગાંધીનગર 9.07 ડિગ્રી સાથે ઠંડુ શહેર 
અમદાવાદમાં  11.07  ડિગ્રી તાપમાન નોંધાયું
પાટણમાં 10.01 ડિગ્રી તાપમાન નોંધાયું
અમરેલીમાં 12.02 ડિગ્રી તાપમાન નોંધાયું
વડોદરામાં  13.06 ડિગ્રી તાપમાન નોંધાયું
ભુજમાં 11.02 ડિગ્રી તાપમાન નોંધાયું
ભાવનગરમાં 14 ડિગ્રી તાપમાન નોંધાયું
દમણમાં 15 ડિગ્રી તાપમાન નોંધાયું 
ડીસામાં 11 ડિગ્રી તાપમાન નોંધાયું
દ્વારકામાં 14.08 ડિગ્રી તાપમાન નોંધાયું
પોરબંદર 11.04 ડિગ્રી તાપમાન નોંધાયું
કંડલા 13 ડિગ્રી તાપમાન નોંધાયું
રાજકોટ 11.07 ડિગ્રી તાપમાન નોંધાયું
સુરત 14 ડિગ્રી તાપમાન નોંધાયું
વેરાવળ 18.08 ડિગ્રી તાપમાન નોંધાયું