આગાહી / AC-પંખા સર્વિસ કરાવી રાખજો, ગુજરાતમાં કાળઝાળ ગરમીને લઈને હવામાન વિભાગની મોટી આગાહી

• ઉનાળાને લઈ હવામાન વિભાગનું અનુમાન
• ગુજરાતમાં આ વર્ષે ઉનાળો આકરો રહેશે
• આગામી દિવસમાં તાપમાનમાં થશે વધારો

ગુજરાતમાં માર્ચ મહિનાની શરૂઆતમાં જ ઉનાળાની ઋતુની શરૂઆત થઈ ગઈ છે. જો કે, વહેલીસ સવારે ઠંડી અને બપોરે ગરમીનો અહેસાસ વર્તાઈ રહ્યો છે. ત્યારે ઉનાળાની શરૂઆત થતાં જ હવમાન વિભાગ દ્વારા આકરી આગાહી કરવામાં આવી છે. 

માર્ચથી મે મહિનામાં લઘુતમ અને મહત્તમ તાપમાન ઊંચું રહેશે

હવામાન વિભાગના જણાવ્યા અનુસાર, માર્ચ મહિનાથી તાપમાનમાં ધીમે ધીમે વધારો થશે અને ઉનાળાની ગરમીનો અનુભવ થવાનો શરૂ થઈ જશે. ઉલ્લેખનીય છે કે, કોઈપણ ઋતુ શરૂ થાય તે પહેલાં ભારત હવામાન વિભાગ દ્વારા પૂર્વાનુમાન જાહેર કરવામાં આવે છે. ત્યારે ઉનાળાની શરૂઆત થતા જ અનુમાન લગાવવામાં આવ્યું છે કે, લઘુતમ અને મહત્તમ તાપમાન સામાન્ય કરતા વધુ રહેવાની ધારણા છે.

આગામી દિવસમાં તાપમાનમાં થશે વધારો

હવમાન વિભાગના સૂત્રોના જણાવ્યા અનુસાર, હવામાન ખાતાએ  ઉનાળા ઋતુ શરૂઆત થતા પૂર્વાનુમાન જાહેર કરવામાં આવ્યું .જેમાં માર્ચથી લઈને મેં મહિનામાં તાપમાન કેટલું રહેશે તેનું  અનુમાન લગાવવામાં આવ્યું છે. જેમાં જણાવાયું છે કે, આ વર્ષે ગુજરાતમાં ઉનાળામાં કાળઝાળ ગરમી પડશે.કારણ કે, રાત્રી અને દિવસ બંને તાપમાન સામાન્ય કરતા ઊંચું રહેવાનનું અનુમાન છે. જેના કારણે ઉનાળામાં કાળઝાળ ગરમીનો અહેસાસ થશે.