આગાહી / ગુજરાતમાં વરસાદને લઈ હવામાન વિભાગની આગાહી, જુઓ ક્યાં પુરાશે વરસાદી ઘટ?

• રાજ્યમાં બે દિવસ હળવા વરસાદની આગાહી 
• રાજ્યના ચોમાસામાં હજુ પણ 36% વરસાદની ઘટ 
• 2 દિવસ દક્ષિણ ગુજરાત અને સૌરાષ્ટ્રમાં વરસાદી ઝાપટા રહેશે 
• ઉતર ગુજરાત અને મધ્ય ગુજરાતમાં સામાન્ય વરસાદ રહેશે

કયા છે વરસાદની વકી?

હવામાન વિભાગ ગુજરાતમાં વરસાદને લઈને મહત્વની આગાહી કરી છે. આવનાર બે દિવસમાં ગુજરાતમાં હળવા વરસાદની આગાહી કરવામાં આવી છે. લો પ્રેશરને કારણે રાજ્યમાં વરસાદી માહોલ યથાવત રહેવાની સાથે     દક્ષિણ ગુજરાત અને સૌરાષ્ટ્રમાં વરસાદી ઝાપટા પાડવાની આગાહી હવામાન વિભાગ દ્વારા કરવામાં આવી છે.     જ્યારે ઉત્તર ગુજરાત અને મધ્ય ગુજરાતમાં સામાન્ય છૂટો છવાયો વરસાદ રહેવાની વકી છે. 

ચોમાસામાં હજુ પણ 36 ટકા વરસાદની ઘટ: હવામાન વિભાગ
બે દિવસ સામાન્ય વરસાદ રહેવાની આગાહી બાદ હવામાન વિભાગે અત્યાર સુધી પડેલા વરસાદના આંકડા પણ રજૂ કર્યા છે. જેમાં રાજ્યમાં હજુ પણ જરૂરિયાત કરતાં 36% વરસાદની ઘટ હોવાનો દાવો કર્યો છે. જોકે આવનાર સમયમાં ખાડીમાં સર્જાયેલા લો પ્રેસરને કારણે વધુ વરસાદની શક્યતાઓ સેવાઇ રહી છે. ખેડૂતતો માટે હજુ સુધી ચોમાસું સારું રહ્યું છે. પણ જો વરસાદી ઘટ ન ઘટે તો એટલે કે જો વરસાદ હવે જરૂરિયાત જેટલો ન પડે તો આવનાર સમયમાં ખેડૂતોની ચિંતા વધી શકે છે. હાલ તો હવામાન વિભાગની આગાહી અનુસાર દક્ષિણ ગુજરાત અને સૌરાષ્ટ્રમાં વરસાદી ઝાપટા તો ઉત્તર અને મધ્ય ગુજરાતમાં સામાન્ય વરસાદ પડશે જેથી ખેડૂતોને ફાયદો થશે.

છેલ્લા 24 કલાકમાં રાજ્યના 64 તાલુકામાં વરસાદ

હવામાન વિભાગે     ગીર, સોમના, નવસારી, પોરબંદર, વલસાડ સહિત પથંકમાં ભારે વરસાદ પડી શકે છે તેવું જણાવ્યું છે, આ તરફ અમદાવાદ, ગાંધીનગર, સુરત, વડોદરા, રાજકોટ, તેમજ દીવ દમણ, અને દાદરાનગર હવેલીમાં પણ સારો એવો વરસાદ પડી શકે છે. છેલ્લા 24 કલાકમાં રાજ્યના 64 તાલુકામાં વરસાદ વરસ્યો છે જેમાં કપરાડામાં     અને પારડીમાં પોણો ઈંચ વરસાદ જ્યારે વાપીમાં અને વાંસદામાં અડધો ઈંચ વરસાદ નોંધાયો છે. આ તરફ ડાંગમાં અડધો અને સુબિરમાં પણ અડધો ઈંચ વરસાદ નોંધાયો છે જ્યારે વાલોદમાં     અને વઘઈમાં અડધો ઈંચ વરસાદ ખાબક્યો હોવાનું હવામાન વિભાગે જણાવ્યું છે.         

રાજ્યમાં અત્યાર સુધી ક્યાં કેટલો વરસાદ? 

મહત્વનું છે કે રાજ્યમાં અત્યાર સુધી સીઝનનો 33 ટકા જ વરસાદ નોંધાયો છે જ્યારે સૌથી વધુ વરસાદ વલસાડમાં 33.70 ટકા વરસાદ નોંધાયો છે. ગુજરાતમાં વરસાદની વાત કરીએ તો અત્યાર સુધીમાં દક્ષિણ ગુજરાતમાં 20.23 ઇંચ સાથે સિઝનનો સૌથી વધુ તો 35.19 ટકા વરસાદ નોંધાયો છે. કચ્છમાં 5.27 ઈંચ સાથે 30.25 ટકા, ઉત્તર ગુજરાતમાં 7.95 ઈંચ સાથે મોસમનો 28.16 ટકા, પૂર્વ-મધ્ય ગુજરાતમાં 30.56 ઈંચ સાથે સિઝનનો 30.08 ટકા, સૌરાષ્ટ્રમાં 8.77 ઈંચ સાથે સિઝનનો 31.89 ટકા વરસાદ નોંધાયો છે.