હવામાન વિભાગ / મેઘરાજાની કાગડોળે રાહ જોતા ખેડૂતો માટે રાહતના સમાચાર, આ 4 દિવસ ધોધમાર વરસાદની આગાહી

• ગુજરાતમાં ચાર દિવસ સાર્વત્રિક વરસાદ
• સાયકલોનિક સિસ્ટમ સક્રિય થઈ
• રાજયમાં સારા વરસાદનો અનુમાન

રાજ્યમાં છેલ્લા કેટલાક દિવસોથી લોકો ભારે આતુરતાથી રાહ જોઈ રહ્યા છે. હાલ રાજ્યમાં ગરમીનું પ્રમાણ વધતું જોવા મળી રહ્યું છે, જેથી લોકો ભારે ગરમીના કારણે ત્રાહિમામ પોકારી ઉઠ્યા છે. ખેડૂતો પણ પોતાના પાકને જરૂરિ વરસાદની રાહ જોઇને બેઠા છે. ત્યારે હવે આવનારા ચાર દિવસ રાજ્યમાં વરસાદી માહોલ જામે તેવી આગાહી કરાઇ છે.

બંગાળની ખાડીમાં સર્જાયેલા લો પ્રેશરના કારણે સૌરાષ્ટ્ર, દક્ષિણ ગુજરાત અને કચ્છમાં સારા વરસાદ પડે તેવું હવામાન વિભાગે અનુમાન લગાવ્યું છે. 4, 5 અને 6 ઓગષ્ટ દક્ષિણ ગુજરાતમાં ભારે વરસાદની આગાહી કરાઇ છે. જ્યારે 7 ઓગષ્ટે સૌરાષ્ટ્ર અને કચ્છના કેટલાક જિલ્લા ભારે વરસાદના હવામાન વિભાગે સંકેત આપ્યા છે. ભારે વરસાદની શક્યતાને જોતા 5 ઓગષ્ટ સુધી દરિયો ન ખેડવા સુચના અપાઇ છે. રાજ્યમાં અત્યાર સુધીમાં 43 ટકા વરસાદ થયો છે.

ચાર દિવસ કયા વિસ્તારમાં વરસશે વરસાદ?

4 ઓગસ્ટ: વલસાડ, દમણ, દાદરા નગર હવેલી

5 ઓગસ્ટ: વલસાડ, નવસારી, દમણ, દાદરા નગર હવેલી, ભરૂચ, સુરત, અમરેલી, ભાવનગર અને ગીર સોમનાથ

6 ઓગસ્ટ: વલસાડ, દમણ, દાદરા નગર હવેલી, બનાસકાંઠા, પાટણ, સુરત, નવસારી, ભાવનગર, બોટાદ, અમદાવાદ, આણંદ, ભરૂચ, અમરેલી, ગીર સોમનાથ અને કચ્છ

7 ઓગસ્ટ: નવસારી, વલસાડ, દમણ, દાદરા નગર હવેલી, અમરેલી, ભાવનગર, વડોદરા, નર્મદા, ભરૂચ, સુરત, ડાંગ, તાપી, ગીર સોમનાથ, ખેડા, અમદાવાદ, પંચમહાલ, દાહોદ, સુરેન્દ્રનગર, પોરબંદર, જૂનાગઢ, બોટાદ અને કચ્છ