ગુજરાત પર મહેરબાન રહેશે મેઘરાજા. સતત પાંચ દિવસ સુધી રાજ્યને ઘમરોળતો રહેશે વરસાદ. રાજ્યમાં આગામી પાંચ દિવસ સુધી વરસાદી માહોલ યથાવત રહેશે. સૌરાષ્ટ્ર, મધ્ય ગુજરાત તેમજ ઉત્તર ગુજરાત ભારેથી હળવો વરસાદ ખાબકશે.
વરસાદને લઇને હવામાન વિભાગે કરી આગાહી
આગામી 5 દિવસ સુધી વરસશે વરસાદ
10 અને 11 જૂનના રોજ ભારે વરસાદ વરસે તેવી સંભાવના
આગામી 5 દિવસ સુધી રાજ્યના મોટાભાગના શહેરોમાં ભારે પવન સાથે વરસાદ વરસી શકે છે. હવામાન વિભાગ અનુસાર, આગામી 5 દિવસ રાજ્યમાં વરસાદી માહોલ રહેશે. બે દિવસ સૌરાષ્ટ્રમાં ભારે વરસાદ વરસી શકે છે. ત્યારબાદ ઉત્તર ગુજરાત, મધ્ય ગુજરાત, દક્ષિણ ગુજરાત અને સૌરાષ્ટ્રમાં વરસાદ રહેશે.
આગામી 10 અને 11 જૂને ગુજરાતમાં વરસાદની આગાહી
ગુજરાતમાં 10 અને 11 જૂને ભારે વરસાદની આગાહી કરવામાં આવી છે. જેમાં અમરેલી, ભાવનગર, બોટાદ, રાજકોટ, દ્વારકા, જામનગર, મોરબી, સુરેન્દ્રનગર, કચ્છ, અમદાવાદ, ગાંધીનગર, મહેસાણા, પાટણ, સાબરકાંઠા, ખેડા, ડાંગ, તાપી, દાહોદમાં ભારે પવન સાથે વરસાદ પડવાની સંભાવના છે.
દિલ્હી-એનસીઆરમાં 12 જૂનના રોજ વરસાદની સંભાવના
જ્યારે બંગાળની ખાડીમાં હવાના દબાણ તેમજ પૂર્વી પવનની દિશાના કારણે 12 અથવા 13 જૂનના રોજ દિલ્હી-એનસીઆરમાં વરસાદની શક્યતા છે.
આસામમાં ભારે વરસાદથી પૂરની પરિસ્થિતિ
આસામમાં પૂરના કારણે પરિસ્થિતિ ગંભીર બની ગઇ છે. રાજ્યના છ જિલ્લામાં ભારે વરસાદના કારણે અંદાજે 60,000 લોકોને પ્રભાવિત થયાં છે. સૌથી વધારે પ્રભાવ ગોલપાડામાં જોવા મળ્યો છે. જ્યાં અંદાજે 42,000 લોકો આ પૂરથી પ્રભાવિત થયાં છે.