ગુજરાતમાં આજે રાત્રે 8 વાગ્યા સુધીમાં વરસાદને લઇને મોટા સમાચાર આવ્યા છે. ગુજરાતના વરસાદી માહોલમાં અચાનક બદલાવથી હવામાન વિભાગે 3 કલાકમાં થનારી ગતિવિધિથી આગાહી કરી છે. જેમાં સૌરાષ્ટ્ર અને કચ્છમાં 40થી 60 કિમીની ઝડપે પવન ફુંકાઈ શકે છે.
ગુજરાતમાં આજે રાત્રે 8 વાગ્યા સુધીમાં વરસાદના મોટા સમાચાર
હવામાન વિભાગે 3 કલાકમાં થનારી ગતિવિધિથી આગાહી કરી
સૌરાષ્ટ્ર અને કચ્છમાં 40થી 60 કિમીની ઝડપે ફુંકાઈ શકે છે પવન
રાજ્યમાં હવામાન વિભાગે વરસાદને લઇ આગામી 4 દિવસમાં વરસાદની આગાહી કરી હતી. ત્યારે આ આગાહી વચ્ચે હવામાન વિભાગે વધુ એક આગાહી કરી છે. 8 વાગ્યા સુધીમાં હવામાનમાં થનારા ફેરફાર અંગે આગાહી કરી છે. સૌરાષ્ટ્ર અને કચ્છમાં 40થી 60 કિમીની ઝડપે પવન ફૂંકાઇ શકે છે. તો વીજળી સાથે કેટલાક સ્થળો પર હળવા વરસાદની આગાહી પણ કરવામાં આવી છે.
રાજ્યના અમરેલી, ભાવનગર, બોટાદ, રાજકોટ, દ્વારકા, જામનગર, મોરબી, પાટણ, સાબરકાંઠા, ખેડા, ડાંગ, તાપી, દાહોદ, સુરેન્દ્રનગર, અમદાવાદ, ગાંધીનગર અને મહેસાણામાં 8 વાગ્યા સુધીમાં વરસાદની આગાહી કરાઇ છે.
કચ્છમાં ગાજવીજ સાથે વરસાદ માહોલ
રાજ્યભરમાં વાતાવરણમાં બદલાવ સાથે કચ્છમાં ગાજવીજ સાથે વરસાદ માહોલ સર્જાયો છે. કચ્છની આસપાસના વિસ્તાર સાથે નખત્રાણાના બીબર ગામની નદીમાં નવા નીર આવ્યાં છે. વરસાદથી નદીમાં પુરના દ્રશ્યો સર્જાયા છે. વરસાદથી સ્થાનિકો નદીમાં નીર જોવા માટે પહોચ્યા હતાં. સ્થાનિકોમાં વરસાદથી ખુશી જોવા મળી છે.
સૌરાષ્ટ્ર, દક્ષિણ ગુજરાત અને મધ્ય ગુજરાતમાં ગાજવીજ અને વંટોળ સાથે વરસાદની આગાહી
આ અગાઉ હવામાન વિભાગે આગાહી કરી હતી કે, જૂનના અંત સુધીમાં રાજ્યમાં સાર્વત્રિક વરસાદ પડી શકે છે. બંગાળની ખાડીમાં લો પ્રેશર સક્રિય થયું છે. 14-15 જૂને રાજ્યમાં વાવણીલાયક વરસાદની આગાહી કરવામાં આવી. અમદાવાદમાં 18થી 24 જૂનની વચ્ચે ચોમાસુ બેસશે. ચોમાસાની શરૂઆત દક્ષિણ ગુજરાત અને સૌરાષ્ટ્રથી થશે અને 15 જૂનથી દક્ષિણ ગુજરાત અને સૌરાષ્ટ્રમાં ચોમાસુ પહોંચશે. 25થી 30 જૂન વચ્ચે સમગ્ર રાજ્યમાં વરસાદની આગાહી કરાઇ છે. આ વર્ષે સારું ચોમાસુ રહેવાની આગાહી હવામાન વિભાગ દ્વારા કરાઇ રહી છે.