હવામાન / અપર એર સાયક્લોનિક સિસ્ટમ સક્રિય, ગુજરાતના આ વિસ્તારોમાં મેઘ મહેરની આગાહી

• રાજ્યમાં હજુ 2 દિવસ ભારેથી અતિભારે વરસાદની આગાહી
• અપર એર સાયક્લોનિક સર્ક્યુલેશનના કારણે વરસાદની સંભાવના
• સૌરાષ્ટ્રના વિસ્તારોમાં ભારે વરસાદ થવાની સંભાવનાઓ 

ઉલ્લેખનીય છે કે, રાજ્યમાં હવામાન વિભાગે આગામી 2 દિવસ સુધી વરસાદની આગાહી કરી છે. સૌરાષ્ટ્રના અનેક વિસ્તારમાં ભારે વરસાદ થાય તેવી શક્યતા છે. ભાવનગર, અમરેલી, પોરબંદર, દ્વારકામાં ભારે વરસાદની હવામાન વિભાગે આગાહી કરી છે. જ્યારે અમદાવાદ શહેરમાં સામાન્યથી મધ્યમ વરસાદની શક્યતા છે. અપર એર સાયક્લોનિક સિસ્ટમ સક્રિય થતા હવામાન વિભાગે આગાહી કરી છે.

રાજ્યમાં વરસાદી માહોલ

રાજ્યમાં વરસાદી માહોલ જામ્યો છે. છેલ્લા 24 કલાકમાં રાજ્યના 59 તાલુકામાં વરસાદ પડ્યો છે. ક્યાંક ધીમીધારે તો ક્યાંક ધોધમાર વરસાદ વરસ્યો છે. વરસાદના કારણે અનેક જગ્યાએ પાણી ભરાવાની પણ ઘટના સામે આવી છે. 

24 કલાકમાં અનેક વિસ્તારોમાં પડ્યો વરસાદ 

ધારીમાં 2.5 ઈંચ, માળિયામાં સવા 2 ઈંચ, વઘઈમાં 2 ઈંચ, ધરમપુરમાં 1.5 ઈંચ, જામકંડોરણામાં 1.5 ઈંચ અને માંગરોળમાં 1.5 ઈંચ વરસાદ વરસ્યો છે.તો મહુવામાં સવા ઈંચ, ઓલપાડમાં સવા ઈંચ, વાંસદામાં સવા ઈંચ, રાણાવાવમાં સવા ઈંચ, લીમડીમાં સવા ઈંચ અને ઉમરપાડામાં 1 ઈંચ વરસાદ વરસ્યો છે.