મેહુલિયો / '45 કિમીની ઝડપે પવન સુસવાટા મારશે', હવામાન વિભાગે કરી 3 દિવસની વોર્નિંગ આપતી આગાહી

વરસાદી મોસમ વચ્ચે હવામાન વિભાગે ફરી એકવાર રાજ્યમાં સાર્વત્રિક વરસાદ થવાની આગાહી કરી છે. આજે બનાસકાંઠા, સાબરકાંઠા, અરવલ્લીમાં વરસાદ થવાની શક્યતા વ્યક્ત કરાઈ છે. પાટણ, આણંદ, દાહોદ વડોદરા, છોટાઉદેપુર અને મહીસાગરમાં ભારે વરસાદની આગાહી કરાઈ છે

અમદાવાદ-ગાંધીનગરમાં થંડરસ્ટ્રોમની વોર્નિંગ

રાજસ્થાન તરફથી આવતા વરસાદી ટ્રફના કારણે આગાહી કરવામાં આવી છે. અમદાવાદ અને ગાંધીનગરમાં હળવાથી મધ્યમ વરસાદની આગાહી સાથે થંડરસ્ટ્રોમની વોર્નિંગ અપાઈ છે. તો બીજી તરફ 35થી 45 કિમીની ઝડપે પવન ફૂંકાવાની શક્યતાને લઈ માછીમારોને આગામી 3 દિવસ દરિયો ન ખેડવા સૂચના અપાઈ છે.

આ પણ વાંચો: લો બોલો..., શિક્ષકો વિદેશમાં બેઠા, છતાંય છેલ્લા 2 વર્ષથી ગુજરાતની આ સ્કૂલોમાં બોલે છે હાજરી, શું આ રીતે ભણશે ગુજરાત?

514 મીમી વરસાદ નોંધાયો

અત્રે ઉલ્લેખનીય છે કે, 1 જુનથી અત્યારસુધીમાં સમગ્ર ગુજરાતમાં 514 મીમી વરસાદ નોંધાયો છે, જે નોર્મલ વરસાદ 462 મીમી કરતા 11 ટકા વધારે વરસાદ છે. જેમાં પણ સૌરાષ્ટ્રમા 458 મીમી વરસાદ નોંધાયો છે. જે નોર્મલ વરસાદ કરતાં 29 ટકા વધારે વરસાદ છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ