ખુશખબર / ગુજરાતમાં 48 કલાકમાં ભારે વરસાદની આગાહી, જાણો કયા કયા જિલ્લામાં મેઘરાજા થશે મહેરબાન

• હવામાન વિભાગે વરસાદને કરી મોટી આગાહી 
• રાજ્યમાં 48 કલાકમાં ભારે વરસાદની આગાહી 
• બંગાળની ખાડીમાં લો પ્રેશર સર્જાવાને કારણે પડશે વરસાદ 

રાજ્યમાં છેલ્લા ઘણા સમયથી વરસાદ નહોતો પડતો પરંતુ સપ્ટેમ્બર મહિનાની શરૂઆતથીજ મેઘરાજાની બીજી ઈનીંગ શરૂ થઈ ગઈ છે. હવામાન વિભાગ દ્વારા વરસાદને લઈને મોટી આગાહી કરવામાં આવી છે. બંગાળની ખાડીમાં લો પ્રેશર સર્જાવાને કારણે ભારે વરસાદ પડી શકે છે. જેથી આગામી 48 કલાકમાંજ હવામાન વિભાગ દ્વારા ભારે વરસાદની આગાહી કરવામાં આવી છે. 

અમદાવાદ તેમજ ગાંધીનગરમાં ભારે વરસાદની આગાહી 

હવામાન વિભાગે કરેલી આગાહી મુજબ સૌરાષ્ટ્રમાં ભારેથી અતિભારે વરસાદની આગાહી કરવામાં આવી છે. સાથેજ ઉત્તરભારતમાં સારો વરસાદ રહેશે તેવી શક્યતા વર્તાઈ રહી છે. અમદાવાદ અને ગાંધીનગર તેમજ વડોદરા સહિતના વિસ્તારોમાં ભારે વરસાદની આગાહી હવામાન વિભાગ દ્વારા કરવામાં આવી છે. 

2 દિવસ રાજ્યમાં વરસાદી માહોલ 

બીજી તરફ સૌરાષ્ટ્રના અમરેલી, રાજકોટ અને ભાવનગરમાં પણ પણ હવામાન વિભાગે ભાર વરસાદની આગાહી કરી છે. સાથેજ જામનગર અને દ્વારકામાં પણ અતિબારે વરસાદ પડી શકે છે. આગામી 2 દિવસ સુધી રાજ્યમાં વરસાદી માહોલ રહેવાની પૂરેપૂરી શક્યતા છે. સાથેજ હવામાન વિભાગ દ્વારા પણ આગાહી કરવામાં આવી છે. 

ખેડૂતોમાં આનંદનો માહોલ 

ઉલ્લેખનીય છે કે આગામી 48 કલાક રાજ્યના મોટા ભાગના જિલ્લાઓમાં વરસાદ પડી શકે છે. જેને લઈને હવામાન વિભાગ દ્વારા અગાઉથીજ લોકોને જાણ કરી દેવામાં આવી છે. જોકે આ સમગ્ર મુદ્દે હવામાન વિભાગ દ્વારા કરેલી આગાહીને લઈને ખેડૂતોમાં આનંદનો માહોલ જોવા મળી રહ્યો છે.