આગાહી / સૌરાષ્ટ્ર-કચ્છવાસીઓ ઠુંઠવાવા તૈયાર રહેજો, દેખાશે કોલ્ડવેવની અસર, જાણો આગાહી

સૌરાષ્ટ્ર અને કચ્છનાં લોકો કડકડતી ઠંડીમાં ઠુંઠવાવા તૈયાર રહેશે. સૌરાષ્ટ્ર અને કચ્છમાં કોલ્ડવેવને લઈ હવામાન વિભાગે આગાહી જાહેર કરી છે. આગામી 48 કલાક સૌરાષ્ટ્ર ઝોન અને કચ્છ ઝોનમાં કોલ્ડવેવ રહેશે. હાલ રાજ્યમાં ઉત્તર પૂર્વ-પૂર્વ તરફથી પવનો ફૂંકાઈ રહ્યા છે. ઠંડા અને સૂકા પવનો ફૂંકાતા ઠંડીનો ચમકારો જોવા મળશે. આગામી 3 દિવસ તાપમાન યથાવત રહેશે. 5 ડિગ્રી તાપમાન સાથે નલિયા સૌથી ઠંડુંગાર શહેર છે. રાજકોટમાં પણ તાપમાનનો પારો ગગડ્યો હતો.

ગાંધીનગરમાં 10.1 ડિગ્રી

અન્ય જિલ્લાઓની વાત કરવામાં આવે તો ગાંધીનગરમાં 10.1 ડિગ્રી જ્યારે વડોદરામાં 10.2 ડિગ્રી તાપમાન, ડીસામાં 10.3 ડિગ્રી તાપમાન, કંડલા એરપોર્ટનું તાપમાન 10.2 ડિગ્રી નોંધાયું છે. જ્યારે ભુજમાં 11.4 ડિગ્રી, અમદાવાદમાં 13.7 ડિગ્રી તાપમાન નોંધાતા લોકો ઠુંઠવાયા હતા.

વધુ વાંચોઃ અમદાવાદ-મુંબઈ બુલેટ ટ્રેનનું કામ પૂરજોશમાં, ટ્રેકને લઇ સામે આવી મોટી અપડેટ

રાજ્યમાં સતત ત્રીજા દિવસે ઠંડીનું જોર વધ્યું હોવાના કારણે મહત્તમ અને લઘુત્તમ તાપમાનમાં નોંધાયો ઘટાડો હતો. ઉપરાંત આજ ઠંડી હજી આગામી બે ત્રણ દિવસ રહે તેવી શક્યતા દેખાઇ રહી છે. ત્યારે રાજ્યમાં આવતા પવનોનો દિશા બદલાતા ઠંડીનું જોર વધ્યું છે. જેને લઇ લોકો વધારે ગરમ કપડાં પહેરીને ચાલવા નિકળ્યા હતા.

બધા જ સમાચાર અને અપડેટ્સ મેળવવા માટે પ્લે સ્ટોર/ એપ સ્ટોર પર જઈને અથવા આ લાઈન પર ક્લિક કરીને ડાઉનલોડ કરો અમારી લેટેસ્ટ એપ