રેડ એલર્ટ / વરસાદનો ખરો રાઉન્ડ હવે આવશે! ખેડૂતોને માથે આભ તૂટી પડે તેવી આગાહી

હવામાન વિભાગ દ્વારા દક્ષિણ ગુજરાતનાં અનેક જીલ્લાઓમાં અતિભારે વરસાદની આગાહી કરી છે. દક્ષિણ ગુજરાતનાં વલસાડ, દમણ અને દાદરા નગર હવેલીમાં અતિભારે વરસાદની આગાહી કરવામાં આવી છે. તેમજ પાટણ, મહેસાણા, સુરત, તાપી અને ડાંગમાં મધ્યમથી ભારે વરસાદની આગાહી કરવામાં આવી છે.

ક્યાં ક્યાં જીલ્લાઓમાં યલો એલર્ટ

તો બીજી તરફ અમદાવાદ, ગાંધીનગર, અરવલ્લી અને મહીસાગરમાં સામાન્ય વરસાદની આગાહી કરવામાં આવી છે. તેમજ ભરૂચ અને નર્મદામાં સામાન્ય વરસાદની આગાહીને લઈ યલો એલર્ટ જાહેર કરવામાં આવ્યું છે.

2 દિવસ માછીમારેનો દરિયો ન ખેડવા સૂચના

આજથી 2 દિવસ માછીમારોને દરિયો ન ખેડવા હવામાન વિભાગ દ્વારા સૂચના આપવામાં આવી છે. રાજ્યમં હજુ સુધી સીઝનનો સરેરાશ 66.35 ટકા વરસાદ વરસ્યો છે.

આજે ક્યાં વરસાદની આગાહી

5 ઓગસ્ટનાં રોજ હવામાન વિભાગ દ્વારા દક્ષિણ ગુજરાતનાં સુરત, નવસારી, વલસાડ, ડાંગ, તાપીમાં ભારે વરસાદની આગાહી કરવામાં આવી છે.

બે દિવસ રાજ્યમાં ગાજવીજ સાથે વરસાદની સંભાવના

સુરત, નવસારી, વલસાડ, દમણ અને દાદરા નગર હવેલીમાં અતિ ભારે વરસાદની આગાહી કરાઈ જેને લઈ એલર્ટ અપાયું છે. બનાસકાંઠા, સાબરકાંઠા, અરવલ્લી, ખેડા અને તાપીમાં અતિભારે વરસાદની શક્યતા છે. ઉલ્લેખનીય છે કે, આગામી બે દિવસ રાજ્યમાં ગાજવીજ સાથે વરસાદની સંભાવના વ્યક્ત કરાઈ છે.

વધુ વાંચોઃ અમદાવાદની આ સ્કૂલમાં અપાય 'જમીની' જ્ઞાન, બાળકો જાતે ઉગાડે શાકભાજી, 1500 વિદ્યાર્થી કરે છે અભ્યાસ

હવામાન વિભાગની આગાહી

હવામાન વિભાગના ડાયરેક્ટર એ. કે દાસે હવામાન વિભાગની આગાહી કરતા જણાવ્યું કે આજે કેટલાક જિલ્લાઓમાં અત્યંત ભારે વરસાદની આગાહીની સાથે રેડ એલર્ટ આપવામાં આવ્યું છે. બનાસકાંઠા, સાબરકાંઠા, નવસારી, વલસાડ, દમણ, દાદરા નગર હવેલીમાં અત્યંત ભારે વરસાદની આગાહીની સાથે સાથે રેડ અલર્ટ આપવામાં આવ્યું છે. જયારે પાટણ, મહેસાણા, સુરત, તાપી અને, ડાંગમાં ભારેથી અતિ ભારે વરસાદની આગાહીની સાથે ઓરેન્જ એલર્ટ આપવામાં આવ્યું છે. તો બાકીના જિલ્લાઓમાં ભારે વરસાદ સાથે યલો એલર્ટ આપવામાં આવ્યું છે.

બધા જ સમાચાર અને અપડેટ્સ મેળવવા માટે પ્લેસ્ટોર/ એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ