હવામાન વિભાગ દ્વારા રાજ્યમાં વધું એક વખત કમોસમી વરસાદની આગાહી કરવામાં આવી છે. ત્યારે વીટીવીના આ વિસ્તૃત અહેવાલમાં જુઓ કયા કયા શહેરમાં વરસાદ પડી શકે છે.
રાજ્યમાં ફરી કમોસમી વરસાદની આગાહી
ઉત્તર ગુજરાત અને સૌરાષ્ટ્રમાં વરસાદની આગાહી
આગામી 2 દિવસ વરસાદ થવાની સંભાવના
રાજ્યમાં એક પછી એક માવઠાની આગાહીની ઉપાધિ જોવા મળી રહી છે. ઉનાળાના પ્રારંભની સાથે જ માવઠાએ મોકાણ સર્જતા ઠેર ઠેર અનેક શહેરોના વાતાવરણમાં બદલાવ જોવા મળી રહ્યો છે. તેવામાં રાજ્યમાં ફરી કમોસમી વરસાદની આગાહી કરવામાં અવાતા ખેડૂતોના જીવ પડીકે બંધાયા છે. આગામી 2 દિવસ સુધી રાજ્યમાં વરસાદની શક્યતા સેવાઇ રહી છે. હવામાન વિભાગ દ્વારા કરાયેલી આગાહી મુજબ ઉત્તર ગુજરાત, કચ્છ, જામનગર,મોરબીમાં વરસાદી સિસ્ટમ સક્રિય થઈ હોય તેવી આસર વર્તાઈ રહી છે. ઉપરાંત રાજકોટ, જૂનાગઢ, સોમનાથ, અમરેલી, અમદાવાદ,ગાંધીનગર, મહેસાણામાં વરસાદની આગાહી વ્યાકત કરાઈ છે.
આજે અને આવતીકાલે રાજ્યના વરસાદની આગાહી
હવામાન વિભાગના ડિરેક્ટર મનોરમા મોહંતીએ જણાવ્યું કે આગામી 2 દિવસ સુધી ઉત્તર ગુજરાત અને સૌરાષ્ટ્રમાં છુટોછવાયો કમોસમી વરસાદ પડી શકે છે. જોકે હવામાન વિભાગની આ આગાહીને લઈને જામનગર સહિત રાજ્યના અનેક વિસ્તારોના વાતાવરણમા બદલાવ પણ જોવા મળી રહ્યો છે. બપોર બાદ આકાશમાં ગોરંભયેલા વાદળો ઉછાળા મારી રહ્યા છે અને પાવનની ગતિ ઘટતા ભારે ઉકળાટ જેવી સ્થિતિ જેવા મળી રહી છે. બીજી બાજુ વરસાદની આગાહીને લઈને ખેડૂતોના જીવ તાળવે ચોંટયા છે અને શિયાળું પાકને બચાવવા માટે દોડધામ કરી રહ્યા છે.
પાક નુકસાનીની ભીતિ
થોડા સમય બાદ જ જામનગર, દેવભૂમી દ્વાકરા, રાજકોટ, મોરબી, અમદાવાદ સહિતના અનેક વિસ્તારોમાં વરસાદ પડ્યો હતો. આમ ભરઉનાળે વરસાદ ખાબકતા ઘઉં સહિતના પાકનો શોથ વળી ગયો હતો. આમ મોટાભાગના શહેરોમાં કમોસમી વરસાદની અસર માંડ પૂરી થઈ જેની કળ હજુ વળી નથી ત્યાં ફરી વધુ એક વખત રાજ્યના હવામાન વિભાગ દ્વારા વરસાદની આગાહી કરવામાં આવતા ખેડૂતો મુંજાયા છે.