શિયાળાના અંતિમ તબક્કામાં હવામાન વિભાગ દ્વારા આગાહી કરવામાં આવી છે કે દેશના 15 રાજ્યોમાં વરસાદ પડશે. જેથી ઠંડીનું પ્રમાણ વધશે. જોકે આ વરસાદને કારણે ખેડૂતોને ભારે નુકશાન થવાની સંભવના સેવાઈ રહી છે.
હવામાન વિભાગે ઠંડીને લઈને કરી મોટી આગાહી
શિયાળાના અંતિમ તબક્કામાં 15 રાજ્યોમાં પડશે વરસાદ
વરસાદ પડવાને કારણે ઠંડીનું પ્રમાણ પણ વધશે
દેશમાં હવે ઠંડી ધીરે ધીરે પૂરી થવાની તૈયારીમાં છે. ત્યારે આવા સમયે ઉત્તર ભારતમાં હવામાન બદલાઈ રહ્યુ છે. હવામાન વિભાગના કહેવા પ્રમાણે ભારે પવન પૂર્વ બંગાળની ખાડી અને અંદમાન સાગર પર ઉત્પન્ન તઈ રહ્યો છે. જેથી દેશના 15 જેટલા રાજ્યોમાં વરસાદ પડવાની શક્યતા સેવાઈ રહી છે.
અરુણાચલમાં વરસાદ પડવાની સંભવના
ખાસ કરીને અંદમાન અને નિકોબારમાં વરસાદ પડવાની ભારે સંભવના છે. આવનારા 24 કલાકમાં અરૂણાચલ પ્રદેશમાં પણ હળવોથી મધ્યમ વરસાદ તેમજ બરફ પડવાની સંભવાના છે. આ સિવાય પશ્ચિમી હિમાલયમાં પણ હિમવર્ષા વધી શકે છે. આ સિવાય પંજાબ હરિયાણા, દિલ્હી અને ઉપ-હિમાલયના પશ્ચિમ બંગાળ તેમજ સિક્કિમમાં પણ વરસાદ પડવાની પૂરી શક્યતા છે.
દિલ્હીમાં વધશે ઠંડીનું પ્રમાણ
હવામાન વિભાગે આપેલી જાણકારી અનુસાર દિલ્હીમાં 22 ફેબ્રુઆરીથી 2 દિવસ સુધી હવાનું જોર વધશે. સાથેજ ન્યૂનતમ તાપમાન પણ 10 ડિગ્રી રહેવાની સંભવના છે અને વધુમાં વધુ તાપમાન 26 ડિગ્રી રહેવાની શક્યતા છે. બીજી તરફ દહેરાદૂનમાં પણ ઓછામાં ઓછું તાપમાન 8 ડિગ્રી રહેશે અમને વધુમાં વધુ તાપમાન 23 ડિગ્રી રહેવાની શક્યતા છે.
જમ્મુ કાશ્મીરમાં હિમવર્ષા થવાની સંભવના
કાશ્મીરમાં હવામાન વિભાગની આગાહી પ્રમાણે હિમવર્ષા થવાની શક્યતા છે. જમ્મુમાં પણ વરસાદ પડી શકે છે. અહીયા વધુમાં વધુ તાપમાન 23 ડિગ્રી તો ઓછામાં ઓછું 14 ડિગ્રી રહેવાની સંભવના છે. કાશ્મીરના ઘણા બધા વિસ્તારોમાં વરસાદ પડવાનું અનુમાન છે જેથી તાપમાનમાં ઘટાડો નોંધાઈ શકે છે.
ઉત્તરાખંડમાં 4 દિવસ સુધી પડશે વરસાદ
ઉલ્લેખનીય છે કે ગઈકાલે ઉત્તરાખંડના ઉંચાઈવાળા વિસ્તારોમાં હિમવર્ષા થઈ હતી. હવામાન વિભાગના કહેવા પ્રમાણે ઉત્તરાખંડમાં અગામી 3 થી 4 દિવસ વરસાદ પડી શકે છે. જેના કારણે તાપમાનમાં ઘટાડો જોવા મળશે. રાજ્યના ઘણા જિલ્લાઓમાં વધુમાં વધુ તાપમાન 14 ડિગ્રી નોંધાઈ શકે છે. સાથેજ ઓછામાં ઓછું તાપમાન 2 ડિગ્રી નોંધાઈ શકે છે.