હવામાન વિભાગનું અનુમાન છે કે, રાજ્યમાં ત્રણ દિવસ કચ્છમાં પણ વરસાદી માહોલ રહેશે તો મધ્ય ગુજરાતના અમદાવાદ ગાંધીનગર વડોદરા સહીત હળવા વરસાદી ઝાપટા પડી શકે છે
રાજ્યમાં વરસાદી માહોલ યથાવત રહેશે
રાજ્યમાં 3 દિવસ કચ્છમાં વરસાદની આગાહી
સૌરાષ્ટ્ર અને ઉત્તર ગુજરાતમાં સામાન્ય વરસાદ રહેશે
રાજ્યમાં વરસાદની માહોલ યથાવત રહેશે તેવી આગાહી હવામાન વિભાગ દ્વારા કરવામાં આવી છે. હવામાન વિભાગનું અનુમાન છે કે, રાજ્યમાં ત્રણ દિવસ કચ્છમાં પણ વરસાદી માહોલ રહેશે. તો મધ્ય ગુજરાતના અમદાવાદ ગાંધીનગર વડોદરા સહીત હળવા વરસાદી ઝાપટા પડી શકે છે. તો આ તરફ સૌરાષ્ટ્ર અને ઉત્તર ગુજરાતમાં સામાન્ય વરસાદ રહેશે સૌરાષ્ટ્રના પોરબંદર, જામનગર, જૂનાગઢમાં હળવા વરસાદની સંભાવના રહેશે અને ઉત્તર ગુજરાતના મહેસાણા, અરવલ્લી, સાબરકાંઠા, બનાસકાંઠામાં વરસાદ પડી શકે છે..હાલમાં વરસાદી સિસ્ટમ સક્રિય ન થતા ભારે વરસદની સંભાવના નહીવત વ્યક્ત કરવામાં આવી રહી છે.
વલસાડ વાપીમાં 2 કલાકમાં 1.28 ઇંચ વરસાદ ખાબક્યો હતો. વલસાડમાં 1 ઇંચ, કપરાડામાં 18 એમ.એમ વરસાદ પડ્યો હતો. ધોધમાર વરસાદથી વાપીના કેટલાક વિસ્તારોમાં પાણી ભરાયા હતા. કોપરલી રોડ પર પાણી ભરાતા વાહનચાલકોને મુશ્કેલી થઈ હતી.
રાજ્યમાં છેલ્લાં 24 કલાકમાં સરેરાશ 10.91 મીમી વરસાદ
સૌથી વધુ સુરતના પલસાણામાં 6.25 ઈંચ વરસાદ
26 જિલ્લાના 111 તાલુકામાં વરસાદ નોંધાયો
જૂન માસનો અત્યાર સુધી સરેરાશ 4 ઈંચ વરસાદ
વરસાદની ટકાવારી 12.31 ટકા નોંધાઈ
વરસાદ ના હોય તેવા તાલુકા - 0
0થી 2 ઈંચ - 74 તાલુકા
2થી 5 ઈંચ - 106 તાલુકા
5થી 10 ઈંચ - 53 તાલુકા
10થી 20 ઈંચ - 18 તાલુકા
20થી 40 ઈંચ - 0 તાલુકા
40 ઈંચથી વધુ - 0 તાલુકા
રાજ્યમાં વરસાદનું જોર ઘટ્યું છે...રાજ્યમાં હળવા વરસાદનું હવામાન વિભાગનું અનુમાન છે. સૌરાષ્ટ્ર અને ઉત્તર ગુજરાતમાં હળવા વરસાદની સંભાવના છે. કેટલાક વિસ્તારમાં વરસાદી ઝાપટા પડી શકે છે. અમદાવાદ, ગાંધીનગરમાં વરસાદની સંભાવના છે.