ચાલુ વર્ષના ચોમાસાને લઈને હવામાન વિભાગની પહેલી મોટી આગાહી સામે આવી છે જેમાં 2022નું ચોમાસુ સામાન્ય રહેવાના સમાચાર અપાયા છે.
ચાલુ વર્ષના ચોમાસાને લઈને હવામાન વિભાગની પહેલી મોટી આગાહી
2022નું ચોમાસું સામાન્ય રહેશે
સમગ્ર દેશમાં સારો વરસાદ પડશે
જગતના તાત ગણાતા ખેડૂતોને ખુશી થાય તેવા એક સમાચાર હવામાન વિભાગે આપ્યાં છે. સરકારી હવામાન એજન્સી આઈએમડી અને ખાનગી એજન્સી સ્કાયમેટ બન્નેએ ચાલુ વર્ષનું ચોમાસુ સામાન્ય રહેવાનું જણાવી દીધું છે. ચોમાસુ સામાન્ય રહેવાને કારણે ખેડૂતોની ખેતી માટે પૂરતો વરસાદ પડી રહેશે અને સરવાળે ખેતી સારી થશે. હવામાન વિભાગની પહેલી મોટી આગાહીમાં ચાલુ વર્ષનું ચોમાસું સામાન્ય રહેવાની અને ખેતી માટે જરૂરી પૂરતો વરસાદ પડવાના સમાચાર અપાયા છે.
ચાલુ વર્ષનું ચોમાસુ રહેશે સામાન્ય
હવામાન વિભાગની આગાહી અનુસાર, આ વર્ષે ચોમાસું "સામાન્ય" રહેશે. હવામાન વિભાગે ચોમાસાની આગાહીમાં સ્પષ્ટ કર્યું છે કે દેશમાં સારો વરસાદ પડશે. ઉત્તર ભારતમાં સામાન્યથી વધુ વરસાદની આગાહી કરવામાં આવી છે. ઉત્તર-પૂર્વના કેટલાક ભાગોમાં સામાન્ય કરતા ઓછો વરસાદ થવાની સંભાવના છે. ચોમાસા પર લા નીનાની અસર પણ જોવા મળશે. દ્વીપકલ્પ ભારતના ઉત્તરીય ભાગો, મધ્ય ભારત, હિમાલયની તળેટી અને ઉત્તરપશ્ચિમ ભારતના ભાગોમાં સામાન્ય અથવા સામાન્યથી વધુ વરસાદ થવાની સંભાવના છે.હવામાન વિભાગના જણાવ્યા અનુસાર, પૂર્વોત્તર ભારતના ઘણા ભાગો, ઉત્તર પશ્ચિમ ભારતના ભાગો અને દક્ષિણ દ્વીપકલ્પના દક્ષિણ ભાગોમાં સામાન્યથી ઓછો વરસાદ થવાની સંભાવના છે. જૂનથી સપ્ટેમ્બર દરમિયાન સરેરાશ વરસાદ હવે 868.6 મીમી માનવામાં આવશે, જે અગાઉ 880.6 મીમી હતો.
ખાનગી એજન્સી 'સ્કાઈમેટે પણ કરી ચોમાસાની આગાહી
ખાનગી એજન્સી 'સ્કાઈમેટ'એ પણ ભારતમાં સામાન્ય ચોમાસાની આગાહી કરી છે. તેમના મતે સામાન્ય વરસાદની 65 ટકા આશા છે. તેનાથી કૃષિ ક્ષેત્રને ફાયદો થશે. આવા વરસાદમાં જૂન અને જુલાઈમાં ચોમાસાનું આગમન થતાં વાવણી (વામન) સમયસર થઈ જશે. એજન્સીએ કહ્યું કે, ભારતના કૃષિ ક્ષેત્ર માટે આ એક સારો સંકેત છે.
દર વર્ષે બે તબક્કામાં ચોમાસાની આગાહી, પહેલા તબક્કાની આગાહી આવી
દર વર્ષે હવામાન વિભાગ બે તબક્કામાં ચોમાસાના વરસાદની આગાહી જારી કરે છે. પ્રથમ આગાહી એપ્રિલમાં અને બીજી જૂનમાં થાય છે. પ્રથમ તબક્કામાં હવામાન વિભાગ દેશભરમાં ચોમાસાની ઋતુ (જૂન-સપ્ટેમ્બર) દરમિયાન વરસાદની આગાહી રજૂ કરે છે.
ખેડૂતો પર કુદરત મહેરબાન બનશે
હવામાન વિભાગની આગાહીથી સ્પસ્ટ સંકેત છે કે ચાલુ વર્ષનું ચોમાસુ રહેશે અને તેને કારણે ખેડૂતોને ખેતીમાં સારો લાભ થશે.