આગાહી / તારાજી બાદ હજુ પણ ગુજરાતમાં ત્રણ દિવસ ભારેથી અતિભારે વરસાદની હવામાન વિભાગની આગાહી, સૌરાષ્ટ્રમાં રેડ અલર્ટ જાહેર કરાયું

• રાજ્યમાં સાર્વત્રિક વરસાદની આગાહી
• ત્રણ દિવસ અતિભારે વરસાદની શક્યતા
• સમગ્ર સૌરાષ્ટ્રમાં રેડ અલર્ટ જાહેર કરાયું

ગુજરાતના અનેક ભાગમાં ધોધમાર વરસાદના કારણે જળબંબાકારની જેવી સ્થિતિ સર્જાઈ છે હજુ પણ રાજ્યમાં ભારે વરસાદની આગાહી કરવામાં આવી છે. આગામી 5 દિવસ દરમિયાન ગુજરાતમાં હવામાન વિભાગે સાર્વત્રિક વરસાદની આગાહી કરી છે. જ્યારે ત્રણ દિવસ ભારેથી અતિભારે વરસાદની સંભાવનાઓ સેવવામાં આવી રહી છે.

માછીમારોને દરિયો ન ખેડવાની સૂચના 

લો પ્રેશર સક્રિય થવાને લીધે રાજ્યમાં રેડ અલર્ટ જાહેર કર્યું છે. જ્યારે આજે હવામાન વિભાગ દ્વારા ઓરેન્જ અલર્ટ જાહેર કરવામાં આવ્યું છે. મહત્વનું છે કે રાજ્યમાં પડેલા ભારે વરસાદ બાદ અનેક જગ્યાએ પુર જેવી સ્થિતિ સર્જાતા લોકોને ભારે હાલકીનો સામનો કરવો પડી રહ્યો છે ત્યારે હવે હજુ પણ રાજ્યમાં ભારે વરસાદની આગાહી કરવામાં આવી રહી છે જેને પગલે દરિયા કિનારાના માછીમારોને દરિયો ન ખેડવાની સૂચના પણ આપાઈ છે. 

ભારેથી અતિભારે વરસાદની આગાહી

આ તરફ હવામાન વિભાગે રાજ્યા અનેક જિલ્લાઓમાં અમરેલી, રાજકોટસ જામનગર સહિત ભાવનગર, પોરબંદર તેમજ સોમનાથમાં પણ રેડ અલર્ટ જાહેર કર્યું છે. સાથે હવામાન વિભાગે દક્ષિણ ગુજરાત અને સૌરાષ્ટ્રમાં ભારેથી અતિભારે વરસાદની આગાહી કરી છે. 

પાણીની અછતનો પ્રશ્ન હવે દૂર થયો

મહત્વનું છે કે રાજ્યમાં પડેલા સારા વરસાદની કારણે રાજ્યમાં જે પાણીની અછત સર્જાઈ હતી તેનો પ્રશ્ન હવે દૂર થયો છે, અનેક ડેમોના તરીયાં ઝાંટક થઈ ગયા હતા પરતું હવે જળસ્તર વધતા ચેકડેમોમાં નવા નીર આવ્યા છે, તેમજ રાજ્ય પરથી જળસંકટનો ખરતો ટળ્યો છે. બીજી તરફે ખેડૂતોને સિંચાઈના પાણીનો પ્રશ્ન પણ હવે હલ થઈ ગયો છે. પરતું મેઘમહેર હવે મેઘકહેર બન્યો હોય તેમ લાગી રહ્યું છે. 

ખેડૂતોના પાકને નુકસાનીનો ભય

સાર્વત્રિક વરસાદને પગલે રાજ્યમાં અનેક જગ્યાએ જળબંબાકરા જેવી સ્થિતિ સર્જાતા લોકોને ભારે હાલાકીનો સામનો કરવો પડી રહ્યો છે. અતિવૃષ્ટિના કારણે ખેડૂતોના પાકને પણ નુક્સાની જવાનો ભય લાગી રહ્યો છે.