મેઘરાજા / ગુજરાતમાં વરસાદને લઈ ખેડૂતો માટે રાહતના સમાચાર, સૌરાષ્ટ્ર અને દક્ષિણ ગુજરાત અંગે હવામાન વિભાગની આગાહી

• રાજ્યમાં ફરીથી મેઘ મહેરના સમાચાર 
• રાજ્યના હવામાન વિભાગની આગાહી 
• રાજ્યમાં મેઘરાજાના વિરામ બાદ થશે એન્ટ્રી 

રાજ્યમાં ફરીથી મેઘ મહેરના સમાચાર  સામે આવ્યા છે. રાજ્યના હવામાન વિભાગે વધુ એક આગાહી કરવામાં આવી છે. અનેક દિવસોથી રાજ્યમાં મેઘરાજાનું આગમન થયું નથી. પરંતુ 11 જુલાઈએ બંગાળમાં લો પ્રેશર સિસ્ટમ સર્જાઈ રહી છે. લો પ્રેશર સિસ્ટમને કારણે વરસાદની આગહી કરાઈ છે. ગુજરાતમાં 10 જુલાઈથી રાજયમાં વાદળછાયું વાતવરણ રહેશે.  દક્ષિણ ગુજરાતમાં 11થી 13જુલાઈ વરસાદ આગાહી કરાઈ છે. તો સૌરાષ્ટ્રમાં 12 અને 13 જુલાઈએ હળવાથી મધ્યમ વરસાદની આગાહી કરવામાં આવી છે.  અમદાવાદ ગાંધીનગર વડોદરા બનાસકાંઠા સાબરકાંઠા સહિત વરસાદી ઝાપટાની આગાહી છે. 

10 જુલાઈથી રાજ્યમાં વરસાદી માહોલ 

હવામાન વિભાગ દ્વારા આગાહી કરવામાં આવી છે કે આગામી 10 જુલાઈથી રાજ્યમાં વરસાદી માહોલ જોવા મળશે. ખાસ કરીને પહેલા દક્ષિણ ગુજરાતમાં વરસાદ આવશે તેવી હવામાન વિભાગ દ્વારા આગાહી કરવામાં આવી છે. હવામાન વિભાગે કરેલી આગાહીને કારણે જગતના તાતમાં ખુશીનો માહોલ છવાઈ ગયો છે. 

લો પ્રેશરને કારણે વરસાદનું જોર વધશે 

આગામી 11 જુલાઈએ બંગાળની ખાડીમાં લો પ્રેશર બનશે તેવું હવામાન વિબાગ દ્વારા કહેવામાં આવ્યું છે. લો પ્રેશરને કારણે રાજ્યમાં વરસાદનું જોશ વધશે. હાલ રાજ્યમાં ઉકળાટને કારણે સૌ કોઈ હેરાન પરેશાન થઈ ગયા છે. ગરમીથી કંટાળેલા લોકો વરસાદની રાહ જોઈ રહ્યા છે. ત્યારે હવામાન વિભાગ દ્વારા કરવામાં આવેલી આગાહીને કારણે લોકોએ હાશકારો અનુભવ્યો છે. 

11 જુલાઈના રોજ અમદાવાદમાં હળવો વરસાદ 

જોકે હવામન વિભાગનું કહેવું છે કે રાજ્યમાં 9 જુલાઈ સુધી તો લોકોએ ઉકળાટ સહન કરવોજ પડશે. ત્યારબાદ વરસાદનું આગમન થશે, અમદાવાદ અને ગાંધીનગરમાં 11 જુલાઈના રોજ હળવા વરસાદની શક્યતા છે. 

જગતના તાતમાં ખુશીનો માહોલ 

ઉલ્લેખનીય છે કે રાજ્યમાં લોકો આતુરતાથી વરસાદની રાહ જોઈ રહ્યા છે. જેમા ખાસ કરીને ખેડૂતો કાગડોળે વરસાદની રાહ જોઈ રહ્યા છે. જેથી વરસાદના આગમનની સૌથી વધારે ખુશી ખેડૂતોમાં જોવા મળી રહી છે.